پوليگونىندا اتىلعان وق تۇرعىن ۇيلەرگە ءتيدى
تاجىكستاننىڭ شاارتۋز اۋدانىندا پوليگونداعى اتىس كەزىندە ءۇش ۇيگە زاقىم كەلگەن. اتىلعان وق نىسانادان ءمۇلت كەتىپ، بەيبىت تۇرعىنداردىڭ ۇيلەرىنە تيگەن. وقيعا 11 قاراشادا تىركەلدى. “حاربمايدون” پوليگونىندا ۇقكۇ-نىڭ "اسكەري باۋىرلاستىق-2017" بىرلەسكەن شۇعىل-ستراتەگيالىق وقۋلارى ءوتىپ جاتىر.
جەرگىلىكتى بيلىكتىڭ حابارلاۋىنشا، توتەنشە وقيعادان اۋدان تۇرعىندارى زارداپ شەكپەگەن.
يتتيفاك اۋىلىنىڭ تۇرعىنى سايدا كۋربونوۆانىڭ حابارلاۋىنشا، وقتىڭ ءبىرى ادەتتە ونىڭ بەس بالاسى تەلەۆيزور كورەتىن بولمەگە تيگەن. "ابىروي بولعاندا، بۇل كۇنى جارىق بولمادى، سول سەبەپتى بالالار مەنىمەن بىرگە اسحانادا جۇرگەن. وقتان قابىرعادا، شاتىردا تەسىكتەر قالدى", - دەدى كۋربانوۆا.
ونىڭ كۇيەۋى مۋحيددين كۋربونوۆتىڭ حابارلاۋىنشا، ۇيىنە كەلگەن ساربازدار جەرتولەدەن تاعى ءبىر وق تاۋىپ العان.
اۋىل كەڭەسىنىڭ باسشىسى ابدۋراحيم ۋرۋنوۆ زارداپ شەككەن كۋربونوۆتار وتباسىنىڭ شىعىنى وتەلەتىنىن ايتتى. ارنايى كوميسسيا كەلگەن شىعىندى 2 مىڭ سوموني دەپ ەسەپتەگەن.
تاجىكستاندا سوڭعى جيىرما جىلدا اسكەري وقۋلاردا اتىلعان وقتان 11 بەيبىت تۇرعىن قازا تاپقان.
Abai.kz
