ۇكىمەت مۇشەسى پاريجدەن 65 ميلليون ەۋروعا پاتەر ساتىپ العان
![](http://abai.kz/content/uploads/2017/11/20-okrugov-parizha.jpg)
قازاقستان ۇكىمەتىنىڭ وكىلى، بەلگىسىز شەنەۋنىك پاريجدەن 65 ميلليون ەۋروعا ەليتالى پاتەر ساتىپ العانى تۋرالى اقپارات تارادى. بۇل فرانتسيا استاناسىندا وسى جىلى ساتىلعان ەڭ قىمبات ءۇي ەكەنى ايتىلىپ جاتىر.
پاتەر پاريجدەگى ايگىلى ەليسەي الاڭىنا جاقىن جەردە، باي-ماناپتار تۇراتىن اۋداندا ورنالاسقان. اۋماعى - 1200 شارشى مەتر. 5 جاتىن بولمەسى، سپا-ايماق، قىزمەتشىلەر مەن كۇزەتكە ارنالعان بولەك ورىندار قاراستىرىلعان. تەرەزەلەرىنەن وق وتپەيدى، جانە باس ساۋعالايتىن ارنايى جەر دە بار.
جىلجىمايتىن مۇلىك بۇعان دەيىن رەسەيلىك وليگارحقا تيەسىلى بولعان. ال، قر ۇكىمەتىندەگىلەر ازىرشە 65 ميلليون ەۋرو تۇراتىن پاتەردى كىمنىڭ ساتىپ العانىن ايتا الماي وتىر.
قارجى ءمينيسترى باقىت سۇلتانوۆ كەشە جۋرناليستەرگە قولاستىنداعى قىزمەتكەرلەرىن مىندەتتى تۇردە تەكسەرەتىنىن ايتتى.
ءشارىپحان قايسار
Abai.kz