قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى 2017 جىلدىڭ 15 قاراشاسىندا  «مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋدى  ىسكە اسىرۋ جولدارى» رەسپۋبليكالىق ونلاين سەمينار-ترەنينگىن وتكىزەدى دەپ حابارلايدى اباي-اقپارات اقپاراتتىق اگەنتتىگى.

سەمينار-ترەنينگتىڭ  ماقساتى – مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋ جولدارىن ونلاين رەجيمى ارقىلى جۇزەگە اسىرۋ، وزىق تاجىريبەنى   زەردەلەۋ جانە قورىتۋ، وقىتۋدىڭ قازىرگى زامانعى نىساندارىن، ادىستەرى مەن تەحنولوگيالارىن تاجىريبەگە ەنگىزۋ بولىپ تابىلادى. سەمينار-ترەنينيگ قر مادەنيەت جانە سپورت مينيسترلىگىنىڭ 303 كابينەتىندە ساعات 9:30-دا باستالادى.

 سەمينار-ترەنينگكە  قر مادەنيەت جانە سپورت مينيسترلىگى  تىلدەردى دامىتۋ جانە قوعامدىق-ساياسي جۇمىس كوميتەتىنىڭ قىزمەتكەرلەرى، مەملەكەتتىك ءتىلدى وقىتۋدىڭ وڭىرلىك ورتالىقتارىنىڭ ماماندارى، عىلىمي-ادىستەمەلىك كەڭەس مۇشەلەرى، ايماق عالىمدارى مەن ءتىل ماماندارى قاتىسادى.

سەمينار-ترەنينگ بارىسىندا ادىسكەر-عالىمدار ونلاين رەجيمى ارقىلى مەملەكەتتىك ءتىلدى وقىتۋدىڭ ءتيىمدى تەحنولوگيالارى مەن ءادىس تاسىلدەرىن ورتاعا سالادى. سونداي-اق، تىلدەردى وقىتۋ ورتالىقتارى مەن رەسپۋبليكاعا بەلگىلى  ۇزدىك ادىسكەرلەر شەبەرلىك ساباقتارى مەن ونلاين ساباقتارىن كورسەتەدى.

بايلانىس تەلەفوندارى: 8(7172) 740877, 408367, 87470311632

اباي-اقپارات