"ەگەمەن قازاقستان" گازەتىنىڭ باس رەداكتورى كۋات  بوراش مىرزا مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتىنىڭ توراعاسى بولىپ تاعايىندالدى. شىعارماشىلىق ورتادا اقىندىعىمەن دە بەلگىلى بولعان ارىپتەسىمىزدى جاڭا قىزمەتىمەن قۇتتىقتايمىز. قۋاتتى قۇتتىقتاۋىشلاردىڭ ءبىر پاراسى قازىر الەۋمەتتىك جەلىلەردە ءسوز الىپ جاتىر. سونىڭ ءبىرى جازۋشى نۇرجان قۋانتاي بىلاي دەپ جازدى:

"وسى ورىنعا كىم بارار ەكەن دەپ ءجۇر ەدىم. سوڭعى جىلدارى اتى دارداي بولعانىمەن اتالعان كوميتەت ەلەۋسىز مەكەمەگە اينالىپ ەدى. كوميتەتتە جانىن سالا قىزمەت ەتەتىن بىرەر ازاماتتان وزگە تىلمەن شۇعىلداناتىن ادام قالمادى. ءسال ەرتەرەكتەگى س.ورازالين، ە.شايمەردەن، ءتىپتى، كەشەگى ش.قۇرمانبايۇلى كەزىندە دە ءتىل كوميتەتىنىڭ جۇمىسى ەرەكشە ەدى. ەندى قۋاتى مول قۋات باۋىرىم تىلدەردى دامىتۋ جانە قوعامدىق-ساياسي جۇمىس كوميتەتىنىڭ جۇمىسىن ءبىر جونگە سالار دەپ ويلايمىن. بۇل مەكەمە اشىق جۇمىس ىستەۋگە ءتيىس. ال جۇمىس بولسا كوپ، وتە كوپ. قازىر مەملەكەتتىك مەكەمەلەردە ءتىل بولىمشەلەرى جوق. قۇجات ارالاس دايىندالادى. ءتىپتى، ورىسشاسى باسىم. ويتكەنى باسشىلار نەگىزىنەن ءورىستىلدى. سوندىقتان بولار مەملەكەتتىك مەكەمەلەردە تەك ورىسشا سويلەيتىندەر كوبەيدى. كەزىندە مەملەكەتتىك قىزمەتكە ەكى ءتىلدى بىردەي بىلەتىندەردى قابىلداۋ تۋرالى قۇجات ازىرلەنە باستاپ ەدى، شۋ ەتىپ كوزىن قۇرتتىق. وسى كۇندەرى مىنە، لاتىن ارپىنە كوشىپ جاتىرمىز. تالاپ كۇشەيۋگە ءتيىس. مەملەكەتتىك مەكەمەلەردى تەكسەرۋ كەرەك. مەملەكەتتىك تىلدە قۇجات ازىرلەۋدى تالاپ ەتۋ كەرەك. بۇرىن سولاي بولاتىن. قازىر ول تالاپتان تالاپ كەتتى. ءبىر ءۇمىت وزىڭدە، قۋات. جۇمىس ىستەتپەۋگە تىرىسادى، ارينە. بىراق ۇلتتىق مۇددە الدا تۇرۋعا ءتيىس. جولىڭ بولسىن! ءبىز سەكىلدى قارت ساربازداردان كومەك كەرەك بولسا، ءازىرمىز. ال ءبىزدىڭ قاتارىمىز كوپ. سەنىڭ قولىڭنان ءبارى كەلەدى، زاڭ شەڭبەرىنەن شىقپاي-اق ۇلكەن ءىس تىندىرۋعا بولادى. ساتتىلىك جولداس بولسىن!"

بۇل تىلىككە الىپ-قوسارىمىز جوق. ىسكە ءسات، قۋات!

Abai.kz