جاقىندا ىشكى ىستەر مينيسترلىگىندە ءمينيسدىڭ  ءبىرىنشى ورىنباسارى مارات دەمەۋوۆتىڭ توراعالىق ەتۋىمەن سەلەكتورلىق كەڭەستە  وتكەن بولاتىن. وندا «كوكنار-2017» جەدەل-پروفيلاكتيكالىق ءىس-شاراسىنىڭ قورىتىندىلارى جايلى ايتىلدى، دەپ حابارلايدى اباي اقپارات.

ەسىرتكى بيزنەسىنە قارسى كۇرەس دەپارتامەنتى باسشىسىنىڭ ورىنباسارى جانات بيتەنوۆ ەسىرتكىلەردىڭ زاڭسىز اينالىمى ەلىمىزدىڭ ۇلتتىق جانە ەكونوميكالىق قاۋىپسىزدىگى نەگىزىن بۇلدىرەتىن وزەكتى ماسەلە بولىپ تابىلاتىنىن اتاپ ءوتتى.

- جامبىل وبلىسى اۋماعىندا شۋ القابى ورنالاسقان.وزدەرىڭز بىلەتىندەي، شۋ قۇرامىندا ەسىرتكى بار وسىمدىكتەر كوپ وسەتىن ورىن. ول ەلىمىزدىڭ اۋماعىندا، سونداي-اق، ودان تىس جەرلەردە ەسىرتكىلەردى جيناۋمەن، قايتا وندەۋمەن جانە تاراتۋمەن اينالىساتىن قىلمىستىق توپتاردىڭ نازارىن وزىنە اۋدارادى. سونداي-اق قىزىلوردا وبلىسى دا وسى ساناتتا. بۇل ايماقتاعى ەسىرتكى ساتۋشىلار «ءۇندى قاراسوراسىن» وسىرۋمەن اينالىسپاقشى بولدى، - دەدى باسقارما باسشىسىنىڭ ورىنباسارى.

ارنايى وپەراتسيا قورىتىندىسىن شىعارعان ءىىم-ءنىڭ ەسىرتكىگە قارسى قىزمەتىنىڭ باسشىسى قۇرامىندا ەسىرتكى بار وسىمدىكتەردى دايىنداۋ جانە ترافيگ فاكتىلەرىنىڭ جولىن كەسۋ، «اۋعان» ەسىرتكىسى ترافيگىنىڭ ارنالارىن جويۋ، ۇيىمداسقان قىلمىستىق ەسىرتكى توپتار ارەكەتىنىڭ جولىن كەسۋ بويىنشا قويىلعان مىندەتتەردى ىسكە اسىرىلعانىن اتاپ ءوتتى.

وپەراتسياعا قاتىسۋعا ۇقك جانە ونىڭ شەكارا قىزمەتتەرىنىڭ، قارجى مينيسترلىگىنىڭ مەملەكەتتىك كىرىستەر كوميتەتىنىڭ كۇشتەرى، پوليتسيانىڭ ارنايى بولىنىستەرى جانە ۇلتتىق ۇلاننىڭ اسكەري قىزمەتشىلەرى جۇمىلدىرىلدى. 

ورمان شارۋاشىلىعى، جەر پايدالانۋ، اڭشىلىق شارۋاشىلىق پەن قورىقشى قىزمەتى قاراسورا ءوسىرۋ ورىندارىن انىقتاۋعا انىقتاۋعا جۇمىلدىرىلعان.

جولى قيىن ايماقتاردا ءمودۋلدى جىلجىمالى پۋنكتتەر، وتىمدىلىگى جوعارى اۆتوكولىك، پيلوتسىز ۇشۋ اپپاراتتارى جانە ۇشاقتار قولدانىلدى. بۇل وتكىزىلەتىن ءىس-شارالاردىڭ تيىمدىلىگىن ارتتىرۋعا جانە وپەراتسيا مىندەتتەرىن ورىنداۋدى قامتاماسىز ەتۋگە مۇمكىندىك بەردى.

اەروعارىش كوميتەتىمەن ءوزارا ءىس-قيمىل جاساسا وتىرىپ، قۇرامىندا ەسىرتكى بار وسىمدىكتەردى ءوسىرۋ ءۇشىن جارامدى اۋماقتارعا عارىش مونيتورينگى جۇزەگە اسىرىلدى.

«كوكنار-2017» وپەراتسياسىنىڭ نەبارى 5 ايىندا 3200 مىڭنان استام ەسىرتكى قۇقىق بۇزۋشىلىعى، ونىڭ ىشىندە 1370 استام قىلمىس انىقتالعان. ونىڭ ىشىندە 730 ساتۋ فاكتىسى، 55 كونتراباندا فاكتىسى، 220 قۇرامىندا ەسىرتكى بار وسىمدىكتەردى ءوسىرۋ فاكتىلەرى، ونىڭ ىشىندە 85 جوعارى كونتسەنتراتتالعان «ءۇندى قاراسوراسىن» ءوسىرۋ فاكتىسى انىقتالعان. 

- ەسىرتكى بيزنەسىمەن اينالىساتىن 5 ۇيىمداسقان قىلمىستىق توپ ارەكەتىنىڭ جولى كەسىلدى. زاڭسىز اينالىمنان 130 توننادان استام ءار ءتۇرلى ەسىرتكى، ونىڭ ىشىندە 90 تونننادان ارتىق وسىرىلگەن قاراسورا، 28 توننا جابايى وسەتىن ماريحۋانا، 138 كگ «گاشيش» جانە 28 كگ گەروين الىندى،-دەيدى جانات بيتەنوۆ مىرزا.

مىسالى، شىلدەدە شۋ وڭىرىندە رەسەي فەدەراتسياسىنىڭ ازاماتىنان
1 توننادان استام ماريحۋانا الىنعانى تۋرالى اقپارات تاراعان بولاتىن. قازاندا جامبىل وبلىسىندا تۇرعىننان 9 كگ گەروين، پاۆلودار قالاسىندا جۇك اۆتوماشيناسىنىڭ جاسىرىن جەرىنەن 180 كگ ماريحۋانا الىنعان.

جالپى سوماسى 30 ملن ءار ءتۇرلى ەسىرتكىلەردىڭ ءبىر رەت قولداناتىن مولشەرىنىڭ زاڭسىز اينالىمىنا توسقاۋىل قويىلعان.

بىلە ءجۇرىڭىز: «كوكنار» وپەراتسياسى جىل سايىن ماۋسىمنان باستاپ قازان ايى ارالىعىندا جابايى وسەتىن قۇرامىندا ەسىرتكى بار وسىمدىكتەر وسەتىن جانە پىسەتىن كەزدە وتكىزىلەدى، ونىڭ نەگىزگى مىندەتتەرى:
- شۋ القابىنان كاننابيس توبى ەسىرتكىلەرىن دايىنداۋمەن جانە شىعارۋمەن اينالىساتىن ادامداردى انىقتاۋ جانە ۇستاۋ، «اۋعان» ەسىرتكىلەرىن ترانزيتتەۋ ارنالارىن جويۋ;
- كاننابيس توبى ەسىرتكىلەرىنىڭ العاشقى شىققان جەرى رەتىندە ەسىرتكى ءوندىرۋدى جويۋ;
- قىلمىستىق جولمەن كىرىس تابۋ ءۇشىن كريمينالدىق قىزمەتپەن اينالىساتىن قىلمىستىق توپتاردىڭ ەكونوميكالىق نەگىزىن ءبۇلدىرۋ;
- ناشاقورلىق پەن ەسىرتكى قىلمىسى دەڭگەيىن تومەندەتۋ بولىپ تابىلادى.

Abai.kz