اتامباەۆ 20 قاراشادا قىرعىزستان پرەزيدەنتى رەتىندە وتكىزگەن قورىتىندى ءباسپاسوز كونفەرەنتسياسىندا قازاقستان قىرعىزستانعا "بلوكادا" قويعانىن مالىمدەپ، "قىرعىزستان ەگەر قازاقستانعا سۋ بەرۋدى توقتاتسا، شەكاراداعى جاعداي بىردەن دۇرىستالاتىنىن" ايتقان.

مىرزاحمەتوۆتىڭ پىكىرىنشە، قىرعىزستان ترانسشەكارالىق وزەندەردى پايدالانۋدىڭ حالىقارالىق كەلىسىمدەرىنە ساي سۋ بەرۋدى ءبىر جاقتى تۇردە توقتاتىپ، يا بوگەي المايدى. "قىرعىزستان بۇل ەرەجەلەردى ساقتاۋى ءتيىس" دەدى مىرزاحمەتوۆ.

مىرزاحمەتوۆ "قازاقستاننىڭ دا ءوز ەسەبى بارىن" جانە ەلدىڭ اۋىل شارۋاشىلىعى كورشى ەلدەرگە تاۋەلدى ەكەنىن دە ايتتى. ء"بىز جىل سايىن اۋىل شارۋاشىلىعى تاۋارلارىن وندىرۋشىلەردى ۆەگەتاتسيا كەزەڭىندە قاجەتتى كولەمدەگى سۋمەن قامتۋ شارالارىن جاسايمىز" دەدى مينيستر.

قىرعىزستان وتكەن ايدا "جوندەۋ-قالپىنا كەلتىرۋ جۇمىستارىن جۇرگىزۋىنە بايلانىستى" قازاقستانمەن شەكارالاس تالاس وبلىسىنداعى كيروۆ سۋ قويماسىنان جامبىل وبلىسىنا سۋ جىبەرگەن. قازاقستان بيلىگى سۋ جىبەرۋدىڭ الدىن الا كەلىسىلگەنىن مالىمدەگەن.

Abai.kz