«وسىلاي بولۋى دا كەرەك. مەن ءبىرىنشى رەت وسى جەردە بولۋعا ءتيىستىمىن. بۇل ءبىزدىڭ قارىم-قاتىناسىمىزدى، ستراتەگيالىق ارىپتەستىگىمىزدى تەرەڭ نىعايتۋعا نيەتتىمىز دەگەندى بىلدىرەدى. مەن سىزگە قىرعىز-رەسەي دامۋىنا اسا ءمان بەرىپ وتىرعانىڭىز ءۇشىن العىس بىلدىرگىم كەلەدى»، - دەدى رەسەي پرەزيدەنتى ۆلاديمير پۋتينمەن كەزدەسۋ بارىسىندا.

ۆلاديمير پۋتين جەەنبەكوۆتى سايلاۋداعى جەڭىسىمەن قۇتتىقتادى.

«ءسىز وتە كاسىبي قىزمەتكەرسىز. ۇكىمەتتى باسقاردىڭىز. ەكى ەلدىڭ ستراتەگيالىق قارىم-قاتىناسىنىڭ دامۋىنا ات سالىستىڭىز. ءسىزدىڭ قاتىسۋىڭىزبەن قىرعىز رەسپۋبليكاسى ەاەو-نىڭ تولىققاندى مۇشەسى بولدى. قازىر ەكى ەل اراسىندا تاۋار الماسۋ 32 پايىزعا ءوستى. بۇل وتە جاقسى كورسەتكىش. ەرتەڭ مينسكىدە قاۋىپسىزدىك سالاسىن تالقىلايمىز. ماعان ءسىزدىڭ پرەزيدەنت رەتىندى ءبىرىنشى ساپارىڭىزدى رەسەيدەن باستاۋىڭىز قۋانتادى»، - دەدى ول.

29 قاراشادا سوورونباي جەەنبەكوۆ پرەزيدەنت رەتىندەگى العاشقى ساپارىن رەسەيدەن باستادى.

Abai.kz