قر پرەمەر-ءمينيسترىنىڭ ورىنباسارى اسقار جۇماعاليەۆ پەن الماتى اكىمى باۋىرجان بايبەك مەملەكەت باسشىسىنىڭ قازاقستان ەكونوميكاسىن تسيفرلاۋ بويىنشا العا قويعان مىندەتتەرىن ورىنداۋ اياسىندا بىرقاتار وبەكتىلەرمەن تانىستى. 

جۇمىس ساپارى بارىسىندا قر باس پروكۋراتۋراسى قۇقىقتىق ستاتيستيكا مەن ارنايى ەسەپ جونىندەگى كوميتەتتىڭ توراعاسى باعدات مۋسين جۇرگىزۋشىلەرگە قاجەت قۇجاتتار سانىن قىسقارتاتىن «ە-شترافى» جوباسىن تانىستىردى. ول ءوزىنىڭ سوزىندە ين بويىنشا پلانشەتتەر ارقىلى جۇرگىزۋشى جونىندە بارلىق مالىمەتتى، ونىڭ ىشىندە تەحپاسپورت پەن ساقتاندىرۋ ءپوليسى تۋرالى دا بىلۋگەن بولاتىندىعىن جەتكىزدى. بۇل جۇيە ەنگىزىلگەن سوڭ اۆتوجۇرگىزۋشىلەر پوليتسيا قىزمەتكەرىنە تەك جۇرگىزۋشى كۋالىگىن كورسەتسە بولعانى. ايىپپۇلدى جۇرگىزۋشىلەر ءدال سول جەردە نەمەسە ءموبيلدى POS-تەرمينالى ارقىلى تولەيدى، اقشا بىردەن اۆتوماتتى تۇردە تولەم جۇيەسىنەن كورىنەدى.

«ەندى حاتتامالاردا نەگىزگى ءۇش كورسەتكىش كورىنىس تابادى، ولار: ين، ءاۆتوموبيلدىىڭ مەملەكەتتىك ءنومىرى جانە ءتارتىپ بۇزۋ بابى. بۇدان بىلاي جۇرگىزۋشىلەردىڭ تولىق قۇجاتتارىن الىپ ءجۇرۋى قاجەت ەمەس. جەرگىلىكتى پوليتسيامەن جۇيە تەستىلەۋدەن ءوتتى. ءبىز قۇجاتتاردى قاجەت ەتپەيتىن جۇيە بويىنشا جۇمىس ىستەيتىن العاشقى قالانىڭ الماتى بولۋىن ۇسىنامىز»، -دەپ اتاپ ءوتتى ب.مۋسين.

ءوز كەزەگىندە الماتى اكىمى پيلوتتى «ە-شترافى» جوباسىنىڭ مەگاپوليستە ەنگىزۋگە قولداۋ ءبىلدىردى جانە قالانىڭ ءپاترۋلدى قىزمەتىن پلانشەتتەرمەن، ءموبيلدى تەرموپرينتەرلەرمەن جابدىقتاۋ ءۇشىن قارجى ىزدەستۋرىدى تاپسىردى.
«تسيفرلى قازاقستاننىڭ ەنگىزىلۋى ءتۇرلى اكمىشىلىك كەدەرگىلەردى جويىپ، جەمقورلىقتى ازايتۋ ءۇشىن ەنگىزىلەدى»، -دەدى ب.بايبەك.

پرەمەر-ءمينيستردىڭ ورىنباسارى جۇمىس ساپارى بارىسىندا «يننوۆاتسيالىق تەحنولوگيا پاركىنىڭ» اۆتونومدى كلاستەرلى قورى ماڭىندا ورنالاسقان «Tech-Garden» ءىت ايماعىندا بولدى.

ءىت ايماقتىڭ رەزيدەنتتەرى - 10 IT-كومپانيالار مەن 15 ستارتاپتار. بۇلاردىڭ بارلىعى IBM, ARM, Autodesk, 1C سياقتى زاماناۋي پالتفورمالاردى پايدالانادى. جوباعا قاتىسۋشىلاردىڭ كوپشىلىگى مۇنايگاز، مەتاللۋرگيا، ماشينا جاساۋ سياقتى ءوندىرىس سالاسىمەن اينالىساتىن تانىمال شەتەلدىك كومپانيالارمەن باسەكەلەس، سونىمەن قاتار قالانىڭ ينفراقۇرىلىمىن دامىتۋعا وزدەرىنىڭ وڭ ىستەرىن ۇسىنا الادى.

اسقار جۇماعاليەۆ يننوۆاتسيالىق نەگىزدەگى جوبالارمەن تانىستى جانە قازاقستاننىڭ ءتۇرلى وڭىرلەرىنىڭ جانە جاقىن شەتەلدردىڭ ستارتاپ- كومپانيالارىنىڭ قاتىۋىمەن شەبەرلىك سىنىپتارىن وتكىزۋدى ۇسىندى.

بۇگىنگى كۇنى الماتى قالاسى ءترانزيتتى-كولىك ءدالىزىن ويداعىداي جۇزەگە اسىرۋدا، الەمنىڭ ءىرى نارىعىنا قاۋىپسىز جانە قىسقا جولداردى قامتاماسىز ەتۋدە. قازىرگى كەزدە ەلىمىزگە حالىقارالىق ءتۇرلى پوشتا ونىمدەرى استانا، الماتى، ورال قالالارى بويىنشا حالىقارالىق پوشتا الماسۋ ارقىلى كەلۋدە، بۇلاردىڭ 80%-ى الماتى ارقىلى وتەدى. پوشتا ونىمدەرىن قىتايدىڭ، سينگاپۋردىڭ، گەرمانيانىڭ، اقش-تىڭ جانە باسقا ەلدەردىڭ ينتەرنەت- ماگزيندەرى جىبەرۋدە.

پرەمەر-ءمينيستردىڭ ورىنباسارى مەن الماتى قالاسىنىڭ اكىمى «قازپوشتا» اق-نىڭ اقپاراتتىق-لوگيستيكالىق ورتالىعىنىڭ جۇمىسىمەن تانىستى. مۇندا پوشتا ونىمدەرى اۆتوماتتى تۇردە سۇرىپتالادى، ول ساعاتىنا 6 545 پوشتا ونىمدەرىن جىبەرەدى. جۇيە سالماعى 10 كيلوگرامعا دەيىنگى حالىقارالىق جانە ىشكى باندەرولدەر مەن حاپلىقارالىق شاعىن پاكەتتەردى ىرىكتەيدى.

ورتالىق جۇمىسىمەن تانىسۋ بارىسىندا «قازپوشتا» اق-ى باسقارماسىنىڭ توراعاسى ساكەن سارسەنوۆ ينتەرنەت ارقىلى ساۋدا جاساۋدىڭ كۇن ساناپ ارتىپ كەلە جاتقانىن ايتتى. جىل باسىنان بەرى قازاقستانعا 9 ملن. استام شەتەلدىك پوشتا ءونىمى تۇسكەن.

ەرعالي بەرىكۇلى

الماتى

Abai.kz