الماتىدا كولىكتى رەفورمالاۋ جانە تۇراقتى كولىك جۇيەسىن قالىپتاستىرۋ بارىسىندا جىلجىمالى سوستاۆتى جاڭارتۋ ءىسى جالعاسۋدا. «لياز» ماركالى تومەن ەدەندى كونديتسيونەرلەرمەن جانە ۆيدەوكامەرالارمەن جابدىقتالعان 16 اۆتوبۋس №86 باعىتى بويىنشا قىزمەت كورسەتۋدى باستادى.

«بارلىق اۆتوبۋستار تومەن ەدەندى، مۇمكىندىگى شەكتەۋلى جاندار ءۇشىن ورىندار بار. بارلىق جىلجىمالى سوستاۆ «ەۆرو 5» ەكولوگيالىق سىنىبىنا جاتادى. يۋيىل ءبىز بارلىعى 388 اۆتوبۋس ساتىپ الدىق، ولاردىڭ 100-ءى شاعىن سىيىمدىلىقتى جانە تاۋلى جەرلەرگە ارنالعان، قالعاندارىنىڭ سىيىمدىلىعى ۇلكەن جانە ورتاشا. ولار قالاعا جەتىسىمەن باعىتتار بويىنشا جۇرەتىن بولادى»، -دەپ اتاپ ءوتتى «الماتىەلەكتروترانس» جشس-ءنىڭ ديرەكتورى ريزۆان تسيناەۆ.

تاسىمالداۋشىلار №86 باعىتىنىڭ قالادا بارىنشا تانىمال ەكەندىگىن، وربيتا-1 ىقشام اۋدانىنان باستاپ ازاماتتىق اۆياتسيا اكادەمياسىنا دەيىن باراتىنىن، قالانىڭ ورتالىعىن، ءال- فارابي داڭعىلىن، فۋرمانوۆ كوشەسىن، رايىمبەك جانە ءسۇيىنباي داڭعىلدارى مەن باسقالارىن قامتيتىنىن ايتتى.

«بۇرىن اۆتوبۋستاردىڭ جەتىسپەۋشىلىگىنەن كولىك سيرەك جۇرەتىن، ءسويتىپ تۇرعىنداردان ءجيى شاعىم تۇسەتىن. بىزگە دەيىن بۇل باعىتقا جەكە تاسىمالداۋشى قىزمەت كورسەتكەن ەدى. ەندى اتالعان باعىت تولىق جابدىقتالىپ، اۆتوبۋستار كەستە بويىنشا جۇرەتىن بولادى»، - دەدى ر.تسيناەۆ.

ايتا كەتەرلىگى، «الماتى-2020» قالالىق دامۋ باعدارلاماسىنىڭ باستى قاعيدالارىنىڭ ءبىرى قوعامدىق كولىكتى رەفورمالاۋ،سونىڭ بارىسىندا جىلجىمالى سوستاۆ جاڭارۋدا. ەسكە سالساق، بۇعان دەيىن №65, 50, 103, 126, 112 باعىتتارى جاڭارعان ەدى. بۇلارمەن قوسا №77 باعىت تا ءوزىنىڭ جۇمىسىن جاڭعىرتتى. جىلجىمالى سوستاۆتى جاڭارتۋ ءىسى باسقا باعىتتاردا دا جالعاسااتىن بولادى. جىل اياعىنا دەيىن الماتى قالاسىنىڭ اكىمدىگى مەگاپوليستىڭ اۆتوبۋس پاركىنىڭ 30%-ىن جاڭارتۋدى جوسپارلاپ وتىر.

Abai.kz