بەيسەنبى, 3 ءساۋىر 2025
جاڭالىقتار 4026 0 پىكىر 24 قاراشا, 2017 ساعات 02:20

القا-قوتان تالقىسىنىڭ تاقىرىبى - استانا جاستارى

جاستار ساياساتى ماسەلەلەرى باسقارماسىنىڭ باسشىسى ا.ورالوۆ اعىمداعى جىلى جاستار ساياساتى سالاسىندا اتقارىلعان جۇمىس تۋرالى باياندادى، دەپ حابارلايدى اباي اقپارات اگەنتتىگى

استانا قالاسى اكىمىنىڭ ورىنباسارى ەرمەك امانشاەۆتىڭ توراعالىعىمەن جاستار ىستەرى جونىندەگى كەڭەس وتىرىسى وتكىزىلدى. اتالمىش كەڭەس وتىرىسىنا مەملەكەتتىك ورگاندار مەن جاستار ۇكىمەتتىك ەمەس ۇيىمدارىنىڭ باسشىلارى، شىعارماشىلىق جاستار وكىلدەرى، ەلوردالىق جوو، كوللەدجدەردىڭ جاستار ءىسى جونىندەگى كوميتەت توراعالارى جانە مەكتەپ كوشباسشىلارى قاتىستى.

كۇن تارتىبىنە سايكەس ءبىرىنشى جاستار ساياساتى ماسەلەلەرى باسقارماسىنىڭ باسشىسى ا.ورالوۆ اعىمداعى جىلى جاستار ساياساتى سالاسىندا اتقارىلعان جۇمىس تۋرالى بايانداپ، كەلەسى جىلعا جوسپارلانعان جوبالاردى اتاپ ءوتتى.

وعان قوسا، اتالمىش كەڭەس وتىرىسىندا 2018 جىلعا ارنالعان كەڭەس جوسپارىنىڭ جوباسى تالقىلاندى. جوسپار جوباسىنا جاستار اراسىنداعى جۇمىسسىزدىق دەڭگەيىن تومەندەتۋدىڭ جاڭا مەحانيزمدەرى، جاس وتباسىلاردى تۇرعىن ۇيمەن قامتاماسىز ەتۋ، جاستار اراسىندا ءسۋيتسيدتىڭ الدىن الۋ شارالارى سياقتى وزەكتى ماسەلەلەر ەنگىزىلدى. جاستار ىستەرى جونىندەگى كەڭەستىڭ جاڭا قۇرامى قاراستىرىلىپ، وندا استانا قالاسىنىڭ ءماسليحات دەپۋتاتى س. باتپەنوۆ، حالىقارالىق گروسسمەيستەر، يۋنيسەف ەرىكتى ەلشىسى د. سادۋاقاسوۆا، قازاقستان حالقى اسسامبلەياسى جاستار قاناتىنىڭ توراعالارى ف. احمەتوۆا مەن ر. ۆالەەۆ جانە باسقالارى ەندى.

وتىرىس بارىسىندا «قازاقستان كۆن وداعى» رەسپۋبليكالىق جاستار قوعامدىق بىرلەستىگىنىڭ پرەزيدەنتى ە. ەلەۋكەن باسقارما قولداۋىمەن «جايدارمان» ويىندارىنىڭ جوعارعى ليگاسىن حالىقارالىق دەڭگەيدە وتكىزۋ ماسەلەسىن قاراستىرۋدى ۇسىندى. سونىمەن قاتار، «Selfmade» جوباسىنىڭ اۆتورى جانە جۇرگىزۋشىسى ا.جۇمانباەۆا اتالعان جوبانى وتاندىق تەلەارنالاردا جارىققا شىعارۋدى ۇسىندى. «Selfmade» جوباسىنىڭ ماقساتى جەتىستىككە جەتكەن تۇلعالارمەن سۇحبات ارقىلى جاستاردى ىنتالاندىرۋ.

اتالعان ۇسىنىستار نازارعا الىنىپ، كەڭەس جۇمىسىنىڭ بارىسىندا قاراستىرىلاتىن بولادى. جالپى كۇن تارتىبىنە قويىلعان ماسەلەلەردى تالقىلاۋ كەزىندە جاستار بەلسەندى تۇردە ات سالىسىپ، ءوز پىكىرلەرىمەن ءبولىستى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1154
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3652
46 - ءسوز

بىزگە بەيمالىم باراق حان

جامبىل ارتىقباەۆ 2644