قر تۇڭعىش پرەزيدەنتىنىڭ كۇنى جانە قازاقستاننىڭ تاۋەلسىزدىك كۇنى قارساڭىندا الماتىدا «نۇرسۇلتان نازارباەۆ: ءداۋىر، تۇلعا، قوعام» اتتى كوشپەلى كورمە اشىلدى

«الماتىدا تۇڭعىش پرەزيدەنت كۇنى قارساڭىندا اسا ماڭىزدى مۇنداي شارانى وتكىزۋ قالا تۇرعىندارى ءۇشىن ۇلكەن قۇرمەت. تاۋەلسىز قازاقستاننىڭ قالىپتاسۋى، ونىڭ وراسان جەتىستىكتەرى نۇرسۇلتان ءابىشۇلىنىڭ اتىمەن تىعىز بايلانىستى. قازاقستاننىڭ تۇڭعىش پرەزيدەنتى - ءبىزدىڭ زاماناۋي مەملەكەتىمىزدىڭ ىرگەسىنتاسىن قالاۋشى. ەلباسىنىڭ باسشىلىعىمەن ءجۇرىپ جاتقان اۋقىمدى ەكونوميكالىق، ساياسي، جانە رۋحاني جاڭعىرۋ قازاقستانننىڭ الەمنىڭ دامىعان 30 ەلىنىڭ قاتارىنا ەنۋىن قامتاماسىز ەتەدى. ەلباسىنىڭ تۇراقتى قولداۋى ارقاسىندا الماتى ەل ەكونوميكاسىنىڭ بەستەن ءبىر بولىگىن بەرەتىن ورتا ازياداعى ءىرى مەگاپوليس رەتىندە دامۋ ۇستىندە. نۇرسۇلتان ءابىشۇلى نازارباەۆتىڭ تۇلعا رەتىندە قۇبىلىسى، ياعني فەنومەنى زور تاريحي شەشىمدەردى قابىلداۋىنان كورىنەدى، ولار: تاۋەلسىزدىكتى جاريالاۋ، كونستيتۋتسيانى قابىلداۋ، استانانى كوشىرۋ جانە كوپتەگەن باسقالارى»، - دەپ اتاپ ءوتتى الماتى اكىمى باۋىرجان بايبەك.

ورتالىق مەملەكەتتىك مۇراجايدا مەملەكەت باسشىسىنىڭ جەكە ءارحيۆىنىڭ، جەكە كىتاپحاناسىنىڭ جانە مۋزەيىنىڭ ماتەريالدارى مەن ءتۇرلى جادىگەرلەرى قويىلعان. كورمە بارىسىندا ەكسكۋرسيالار،كونفەرەنتسيالار، شەبەرلىك سىنىپتارى، سەمينارلار مەن كونتسەرتتەر وتەدى.

«بۇل كورمەگە بارىنشا قۇندى ەكسپوناتتار مەن ونەر تۋىندىلارى، تاۋەلسىدىك جىلدارى پرەزيدەنتىمىز قول قويعان ماڭىزدى قۇجاتتاردىڭ تۇپنۇسقاسى، تاۋەلسىزدىكتىڭ تاريحي كەزەڭدەرىن قامتىعان فوتوماتەريالدار قويىلعان. سونىمەن قاتار، پرەزيدەنتىمىزدى ۇلىقتاعان 50 شەتەلدىك مەملەكەتتىڭ جوعارى ماراپتتارىن كورۋگە بولادى. قولتاڭبا قويىلعان باعالى ءارى سيرەك كەزدەسەتىن كىتاپتار دا وسىندا. ءبىز كورمەنى 2018 جىلدىڭ 15 قاڭتارىنا دەيىن ۇزارتۋدى قاراستىرۋدامىز، وعان كەمدەگەندە 50 مىڭ الماتىلىق كەلەدى دەگەن ۇمىتتەمىز»،- دەپ اتاپ ءوتتى پرەزيدەنتتىڭ جەكە كىتاپحاناسى ديرەكتورىنىڭ مىندەتىن اتقارۋشى، پرەزيدەنت كەڭسەسىنىڭ باستىعى ماحمۇد قاسىمبەكوۆ.

كورمە 4 بولىمنەن تۇرادى:

«كوشباسشى جولى» ءبولىمى قر پرەزيدەنتىنىڭ ءومىربايانىن،«كوشباسشى فەنومەنى» ءبولىمى مەملەكەتتىڭ قۇرىلىستىڭ قالىپتاسۋ جانە دامۋ كونتسەپتسياسىن، «پرەزيدەنت ناگرادالارى – حالىق قۇرمەتى» ءبولىمى جوعارى مەملەكەتتىك ناگرادالاردى، «الەم تانىعان كوشباسشى» - قر سىرتقى ساياساتىن قامتيدى.

ايتا كەتەرلىگى، كورمە 2018 جىلدىڭ 14 قاڭتارىنا دەيىن جالعاسادى.

Abai.kz