ەلورداداعى ەكسپو اۋماعىندا جاڭا سىرعاناق الاڭى اشىلدى، دەپ حابارلايدى «اbai.kz» پورتالى «Nur.kz» سايتىنا سىلتەمە جاساي وتىرىپ.

ەندى ەلوردا تۇرعىندارى مەن قوناقتارى ەكسپو اۋماعىندا ورنالاسقان جاڭا سىرعاناق الاڭىندا ۋاقىتتارىن پايدالى وتكىزە الادى. تازا اۋا، جاڭى مۇز ايدىنى، كوتەرىڭكى كوڭىل كۇي مەن قولجەتىمدى باعا. «استانا ەكسپو-2017» تەرريتورياسىنداعى تۋريستىك ايماقتىڭ تاعى ءبىر ارتىقشىلىعى.

ءبىر بايقاعانىمىز، استانالىقتار بۇل جاڭا اشىلعان سىرعاناق الاڭدارىنا ءجيى كەلىپ تۇرادى ەكەن. اسىرەسە  دەمالىس كۇندەرى مۇندا كەلۋشىلەردىڭ سانى ەداۋىر كوپ بولادى.

«ماعان وسى جەردە سىرعاناق تەپكەن ۇنايدى. جابىق عيماراتتا سىرعاناعاننان گورى، اشىق اسپان استىندا سىرعاناعان الدەقايدا پايدالىراق. اۋاسى دا تازا. بالا كۇنىمىزدە -25 گرادۋستا دالادا ويناپ ءجۇرۋشى ەك. مەنىڭ نەمەرەلەرىمە كونكي تەپكەن ۇنايدى. وسى جەردىڭ اشىلعانىن ەستىپ، بىردەن جەتتىك»، - دەيدى استانا تۇرعىنى ۆيكتور كليۋچكوۆ.

ال استانالىق وقۋشىلار – ايعانىم، ءاليا مەن اجار سىرعاناق تەبۋگە ءبىرىنشى رەت كەلىپ وتىر ەكەن.

«استانامىزدا وسىنداي سىرعاناق الاڭدارىنىڭ كوپتەپ اشىلعانى قۋانىشتى. قالادا اشىق اسپان استىندا، سونداي-اق جابىق مۇز ايدىندارى دا جەتكىلىكتى», - دەيدى قىزدار.

جاڭا اشىلعان سىرعاناق الاڭىنا كەلۋشىلەردىڭ اراسىندا قالا قوناقتارى دا از ەمەس. سونىڭ دەنى بالالار. قازىردىڭ وزىندە استانالىقتار اراسىندا كەڭ تارالعان بۇل سىرعاناق الاڭىندا كەشقۇرىم ەرتەگىدەي اتموستفەرا قالىپتاسادى. ءتۇرلى-ءتۇستى جارىقتار مەن اسەم اۋەن. جانە ءبىر ايتا كەتەرلىگى، ەندى از كۇندە بۇل جەرگە ەلىمىزدىڭ باس شىرشاسى ورناتىلاتىن بولادى.

ايتپاقشى، سىرعاناق الاڭىنا كىرۋ قۇنى «الاۋ» جانە «مەگا SilkWay» ساۋدا ورتالىقتارىنداعى سىرعاناق الاڭدارىنداعىداي. «استانا ەكسپو-2017» اۋماعىنداعى سىرعاناق الاڭىنا كىرۋ قۇنى ورتاشا ەسەپپەن 1000 تەڭگەنى قۇرايدى. ال وقۋشىلار مەن زەينەتكەرلەر ءۇشىن 50 پايىز جەڭىلدىك قاراستىرىلسا، ستۋدەنتتەر ءۇشىن 800 تەڭگە. ال 6 جاسقا دەيىنگى بالالارعا كىرۋ تەگىن. كولىگى بار ازاماتتار ءۇشىن العاشقى 3 ساعات تەگىن اۆتوتۇراق قاراستىرىلعان. (تولىق اقپاراتتى ينفوگرافيكادان كورۋگە بولادى)

سىرعاناق الاڭىنىڭ جالپى اۋماعى – 4 000 شارشى مەتردى قۇرايدى. سىيىمدىلىعى 700 ادامعا دەيىن جەتەدى.

ءتىپتى ارنايى مۇزداتقىش قۇرىلعىنىڭ ارقاسىندا +10 گرادۋستا دا سىرعاناق الاڭىنىڭ مۇزى ەرىمەيدى. وسىلايشا، سىرعاناق تەبۋ ماۋسىمىن ءساۋىر ايىنا دەيىن سوزۋعا بولادى دەيدى ۇيىمداستىرۋشىلار.

ايتا كەتسەك، سىرعاناق الاڭىنا كەلۋشىلەر ودان بولەك «نۇر الەم» پاۆيلونىنا كىرىپ، «بولاشاق ەنەرگياسى» مۇراجايىن تاماشالاي الادى. وسىلايشا، ەكسپو كورمە كەشەنىنىڭ تۋريستىك اۋماعى كەلۋشىلەرگە دەمالىس كۇندەرىن ويداعىداي وتكىزۋگە بارلىق مۇمكىندىكتەر جاساۋدا. سەبەبى، تۋريستىك ايماقتا سىرعانقتا تەۋىپ، كورمەنى دە تاماشالاپ قايتۋعا بولادى.

بيلەتتەردى «ەكسپو-2017» ارايى سايتىنان: «expo2017astana.com»، سونداي-اق، ەكسپو اۋماعىنداعى كاسسالاردان الۋعا بولادى.

جۇمىس ۋاقىتى:

جۇمىس كۇندەرى 12:00 – 23:00 (تەحنيكالىق ءۇزىلىس 16:00 – 18:00)

دەمالىس كۇندەرى 10:00 – 23:00 (تەحنيكالىق ءۇزىلىس 13:00 – 14:00 جانە 17:00 – 18:00)

Abai.kz