ەندى ەلىمىزدەگى ەتنومادەني ورتالىقتار جانىنان ءتىل ۇيرەتەتىن تەگىن كۋرستار جۇمىس جاسايدى، دەپ حابارلايدى "Abai.kz" اقپاراتتىق پورتالى. 

مۇنداي اۋقىمدى شارانى باستاماس بۇرىن اتالعان سالا ماماندارى الماتىدا باس قوسىپ، جيىن وتكىزگەن بولاتىن. دالىرەك ايتساق، 14-ءساۋىر كۇنى جەكسەنبىلىك مەكتەپتەردە قازاق تىلىمەن قاتار انا تىلدەرىن وقىتۋ كۋرستارىنا ارنالعان ادىستەمەلىك  سەمينار وتكىن بولاتىن.

شارانىڭ وتۋىنە باستاماشى بولعان قر مادەنيەت جانە سپورت مينيسترلىگىنە قاراستى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى.

اتالعان ورتالىقتىڭ «اكىمشىلىك-ۇيىمداستىرۋ» ءبولىمىنىڭ باسشىسى گۇلنار سەيىلحانقىزى جيىندى سالتاناتتى تۇردە اشىپ، سەمينارعا قاتىسۋشىلارعا ساتتىلىك تىلەدى.

جيىن بارىسىندا قازاق جانە انا تىلدەرىن وقىتۋ كۋرستارىن جۇيەلى وتكىزۋ جولدارى تالقىلانىپ، ناتيجەلى جۇمىستىڭ جوسپارى جاسالدى. مىسالى، ءتىل ماماندارىنىڭ تالقىسىندا فيلولوگيا عىلىمدارىنىڭ كانديداتى، دوتسەنت ساۋلە اسانبايقىزى «قازىرگى ءبىلىم بەرۋ جۇيەسىندە كوپتىلدى پوليمادەنيەتتى تۇلعانى قالىپتاستىرۋ» تاقىرىبىنداعى بايانداماسىن وقىدى.«ەتنومادەني ورتالىقتار جانىنداعى جەكسەنبىلىك مەكتەپتەردە قازاق جانە انا تىلدەرىن وقىتۋدا ينتەربەلسەندى ادىستەردى قولدانۋ» تاقىرىبىندا اينۇر جالەلقىزى ءوز ويىن ورتاعا سالدى. وقىتۋ كۋرسى بويىنشا بارلىق انا تىلدەرى مەن قازاق تىلىنە كۇنتىزبەلىك-تاقىرىپتىق جوسپارلار 60 اكادەميالىق ساعات جۇكتەمەسىنە نەگىزدەلىپ جاسالۋ كەرەكتىگىن ەسكەرتىپ، وقىتۋشىلاردى جالپى جۇمىس كەستەسىنىڭ ەسەپتىك تابەلىمەن تانىستىردى.

سەمينار سوڭى اشىق پىكىرتالاسقا ۇلاسىپ، ماماندار بەلگىلەنگەن مەجەدە مەملەكەتتىك ءتىل مەن ەتنوس تىلدەرىن وقىتۋدىڭ وڭتايلى ءادىسىن ويلاستى.

ءبىراۋىزدان دەڭگەيلى كۋرستار اشۋدى ماقۇلداپ، باستاۋىش جانە جالعاستىرۋشى توپتار كۇنتىزبەلىك-تاقىرىپتىق جوسپارلار بويىنشا كەستەگە سايكەس ساباق الاتىن بولادى.

ال پەدوگوگيكالىق كەڭەس ۇستىمىزدەگى جىلدىڭ 19 ساۋىرىندە پەداگوگيكالىق كەڭەس وتەدى.

Abai.kz