قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى 2017 جىلدىڭ 15 قاراشاسىندا «مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋدى ىسكە اسىرۋ جولدارى» تاقىرىبىندا رەسپۋبليكالىق ونلاين سەمينار-ترەنينگ وتەدى.

سەمينار-ترەنينگتىڭ ماقساتى – مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋ جولدارىن ونلاين رەجيمى ارقىلى جۇزەگە اسىرۋ، وزىق تاجىريبەنى زەردەلەۋ جانە وقىتۋدىڭ زاماناۋي ادىستەرى مەن تەحنولوگيالارىن قولدانىسقا ەنگىزۋ.

سەمينار-ترەنينگكە قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ قىزمەتكەرلەرى، مەملەكەتتىك ءتىلدى وقىتۋدىڭ وڭىرلىك ورتالىقتارىنىڭ ماماندارى، عىلىمي-ادىستەمەلىك كەڭەس مۇشەلەرى، عالىمدارى مەن ءتىل ماماندارى قاتىسادى.

سەمينار-ترەنينگ بارىسىندا ادىسكەر-عالىمدار ونلاين رەجيمى ارقىلى مەملەكەتتىك ءتىلدى وقىتۋدىڭ ءتيىمدى تەحنولوگيالارىمەن بولىسەدى. تىلدەردى وقىتۋ ورتالىقتارى مەن رەسپۋبليكاعا بەلگىلى ۇزدىك ادىسكەرلەر شەبەرلىك ساباقتارىن ونلاين رەجيمدە كورسەتەدى.

سەمينار استانا قالاسىندا قر مادەنيەت جانە سپورت مينيسترلىگى عاماراتىندا وتەدى.

Abai.kz