2017 جىلدىڭ 7 جەلتوقسانىندا استانا قالاسىندا «IoT Forum Astana 2017» فورۋمى ءوتتى.  فورۋمدى ۇيىمداستىرۋشى – ەلىمىزدىڭ جەتەكشى ينفوكوممۋنيكاتسيالىق وپەراتورى - «قازاقتەلەكوم» اكتسيونەرلىك قوعامى. شارا قازاقستان رەسپۋبليكاسى اقپارات جانە بايلانىس مينيسترلىگىنىڭ قولداۋىمەن وتكىزىلدى.

فورۋمدا كۇندەلىكتى ومىردە ءتۇرلى تۇرمىستىق زاتتاردىڭ ەسەپتەۋ جەلىلەرىن ۇيىمداستىرۋ، Internet of Things-ءتى (IoT -  Internet of Things)  ەنگىزۋدىڭ وزەكتى ماسەلەلەرى، اتالعان تۇجىرىمدامانى قازاقستاندىق جانە جاھاندىق اۋقىمدا قولدانۋ پەرسپەكتيۆالارى تالقىلاندى.

شاراعا  حالىقارالىق جانە قازاقستاندىق ساراپشىلار، مۇددەلى تاراپتاردىڭ وكىلدەرى - ورتالىق مەملەكەتتىك جانە جەرگىلىكتى اتقارۋشى ورگانداردىڭ وكىلدەرى، كۆازيمەملەكەتتىك سەكتور وكىلدەرى، جابدىقتار مەن باعدارلامالىق ونىمدەردى وندىرۋشىلەر، جۋرناليستەر مەن بلوگەرلەر قاتىستى.

فورۋم اشىلۋىندا قازاقستان رەسپۋبليكاسى پرەمەر-ءمينيسترىنىڭ ورىنباسارى اسقار جۇماعاليەۆ «يننوۆاتسيالىق قازاقستان-2020»  مەملەكەتتىك باعدارلاماسى اياسىندا جۇزەگە اسىرىلىپ جاتقان باستامالار تۋرالى باياندادى.

«يننوۆاتسيالىق ەكوجۇيەنىڭ قۇرىلۋى - بۇل EXPO-بازاعا نەگىزدەلگەن ايماقتى قالىپتاستىرۋعا مۇمكىندىك بەرەتىن درايۆەر بولىپ تابىلادى. ول ءوز كەزەگىندە سالىق جەڭىلدىكتەرىمەن قامتىلعان جاڭا باستامالاردى قۇرۋدى كوزدەيدى. وسى الاڭعا جينالعان ماقساتىمىز، باعدارلامانىڭ نەگىزگى بەسىنشى باعىتى - ونەركəسىپ ءۇشىن ماڭىزدى بولىپ تابىلاتىن، IOT-جوبالاردى تسيفرلاندىرۋ، تيىمدىلىككە، اۆتوماتتاندىرۋعا جəنە قارجى شىعىندارىن ۇنەمدەۋگە مۇمكىندىك بەرەدى»،- دەپ مالىمدەدى ا. جۇماعاليەۆ.

«قازاقتەلەكوم» اق باسقارماسىنىڭ توراعاسى قۋانىشبەك ەسەكەەۆ بۇگىندە ادامدارعا تاۋەلدى ەمەس جاڭا نارىق كلاسسى بار ەكەنىن اتاپ ءوتتى، ماسەلەن كولىك جانە POST-تەرمينالدار نارىعى.

«ەگەر ءبىز الەمدەگى ۇيالى بايلانىس جەلىسىنىڭ 6 ميلليارد پايدالانۋشىسى بار دەگەن ستاتيستيكانى الساق، وندا Internet of Things نارىعى 20 ميللياردتى قۇرايدى.
مەنىڭ ويىمشا، بۇگىنگى تاڭدا كوممۋنيكاتسياعا قوسىلعان ءارتۇرلى قۇرىلعىلاردا وتىراتىن 5 ميلليونعا جۋىق ابونەنت بار. IوT نارىعىنىڭ بولاشاعى زور. ءداستۇرلى تىركەلگەن بايلانىس قازىرگى تاڭدا قولدانىستان شىعىپ بارادى.  ءبىز ءبارىمىز ۇيالى تەلەفونعا ۇيرەندىك، بىراق جاڭا نارىقتار كومپانيا ءۇشىن ماڭىزدى. مەنىڭ ويىمشا، بۇل نارىق ءبىزدىڭ ومىرىمىزگە ەندى. ءبىز ءۇشىن IوT – زامان اعىنىنىڭ ماڭىزدى جاڭا بولىگى»،- دەپ اتاپ ءوتتى ق. ەسەكەەۆ.

شاراعا ارنايى شاقىرىلعان سپيكەرلەر قاتارىندا Beijing Health Forum نەگىزىن قالاۋشى جانە باس ديرەكتورى، IoT  سالاسىنىڭ حالىقارالىق ساراپشىسى دۋگلاس كورلي مەن گونكونگتاعى قالالىق زياتكەرلىك كونسورتسيۋمنىڭ نەگىزىن قالاۋشىلاردىڭ ءبىرى توني ا.ۆەربا بولدى.

د.كورلي مەملەكەتتىك تەحنولوگيالىق ماسەلەلەردى شەشۋ ءۇشىن جىلدار بويى ءىرى عىلىمي ورتالىقتارمەن بىرلەسە جۇمىس ىستەپ كەلەدى. ول فورۋم بارىسىندا اتالعان سالاداعى  ءوزىنىڭ تاجىريبەسىمەن ءبولىستى. ت.ۆەربا گونكونگتا تەحنولوگيا، ويىن-ساۋىق، مادەنيەت جانە الەۋمەتتىك سالادا بىرقاتار جوبالارعا، ونىڭ ىشىندە Ticketflap جانە ClockenflapMusicandArtsFestival – عا قاتىسقانى بەلگىلى.

تالقىلاۋ الاڭىندا فورۋمنىڭ قاتىسۋشىلارى قازاقستاندا IوT-تى دامىتۋ تۋرالى جانە تۇرعىن ءۇي-كوممۋنالدىق شارۋاشىلىعى، ونەركəسىپ، اۋىل شارۋاشىلىعى جəنە «اقىلدى قالا» جوباسى اياسىندا وسى باعىتتىڭ كەلەشەگى تۋرالى پىكىر الماستى.

اباي-اقپارات