قازاقستان رەسپۋبليكاسىنىڭ باس پروكۋرورى جاقىپ اسانوۆ پەن الماتى اكىمى باۋىرجان بايبەك قالا پروكۋراتۋراسىنىڭ قۇقىقتىق قىزمەت كورسەتۋ ورتالىعىنىڭ اشىلۋىنا قاتىستى.

«ءبىر تەرەزە» قاعيداسى بويىنشا جۇمىس ىستەيتىن قۇقىقتىق قىزمەت كورسەتۋ ورتالىعىنان قالا تۇرعىندارى ناقتىلى ءىس بويىنشا وزدەرىنە قاجەت بارلىق اقپاراتتى ورتالىق وپەراتورلارىنان الادى. جۇمىس فورماتى حالىققا قىزمەت كورسەتۋ ورتالىقتارىنىڭ جۇمىسىنا ۇقساس، كەلۋشىلەر الدىمەن رەسەپشەننەن ءوتىپ، كەڭەس الادى. سودان سوڭ وزدەرىن تولعاندىرعان ماسەلە بويىنشا وپەراتورلارعا بارادى، ولار كەلۋشىلەردى پروكۋرورلارعا، ادۆوكاتتارعا، مەدياتورلارعا جانە باسقا دا ماماندارعا جىبەرەدى، بۇلاردىڭ بارلىعى تەگىن زاڭگەرلىك ىقزمەت كورسەتەدى.

قۇقىقتىق قىزمەت ورتالىعىنىڭ جالپى كولەمى 600 شارشى مەتر، زاماناۋي ينجەنەرلىك- تەحنيكالىق قوندىرعىلارمەن جابدىقتالعان جايلى كەڭسە، مۇندا ەلەكتروندى كەزەك جۇيەسى، «Connection Point» وزىنە-ءوزى قىزمەت كورسەتۋ سەكتورى، كۇتۋ زالى جانە باسقا قاجەتتى ينفراقۇرىلىمدار بار. ورتالىق قابىرعالارى شىنىدان جاسالعان، ول قۇقىققورعاۋ قۇرىلىمدارىنىڭ اشىقتىقتىعىن، جاريالىلىعىن قامتاماسىز ەتەدى.

«تاياۋدا عانا ءبىز قالادا ءتۇرلى ءنورماتيۆتى - قۇقىقتىق اكتىلەرمەن رەگلامەنتتەلمەگەن ءارى تۇرعىنداردىڭ ءتۇرلى ماسەلەلەرىن شەشۋگە كومەكتەسەتىن «Open Almaty» قوعامدىق قابىلداۋىن اشقان ەدىك. «ءبىر تەرەزە» قاعيداسى بويىنشا ءتۇرلى كەڭسەتەر الۋعا، مەملەكەتتىك ورگاندارعا وزدەرىنىڭ وتىنىمدەرىن بەرۋلەرىنە بولادى. بۇلاردان وزگە، قالادا «Visit Almaty» تۋريستىك- اقپاراتتىق ورتالىق تا اشىلدى. قالاعا كەلگەن ءاربىر شەتەلدىك قوناق وزىنە قاجەتتى مالىمەتتەردى الادى جانە ولارعا ءتۇرلى كەڭەستەر بەرىلەدى. قۇقىقتىق قىزمەت كورسەتۋ ورتالىعىنىڭ دا مەملەكەتتىك ورگانداردىڭ تيىمدىلىگىن، اشىقتىعىن جانە ەسەپبەرۋىن جاقسارتۋدىڭ ماڭىزدى قۇرالىنا اينالاتىندىعىنا سەنىمدىمىن»، - دەپ اتاپ ءوتتى الماتى اكىمى باۋىرجان بايبەك.

ەلىمىزدىڭ باس پروكۋرورى جاقىپ اسانوۆ ورتالىقتىڭ نەگىزگى مىندەتتەرىن اتاپ ءوتتى،ولار – قۇقىق قورعاۋ جۇيەسىنە دەگەن سەنىمدىلىكتى كۇشەيتۋ، بيۋروكراتتىقتى جانە اكىمشىلىك كەدەرگىلەردى جويۋ، قۇقتىق قىزمەتتى قولجەتىمدى ەتۋ، قۇقىق قورعاۋ ورگاندارىنىڭ جۇمىس تيىمدىلىگىن ارتتىرۋ.

«ورتالىقتىڭ مىندەتى ساپالى قۇقىقتىق قىزمەت كورسەتۋ. ورتالىقتىڭ اشىلۋى مەملەكەتتىك جانە قۇقىق قورعاۋ ورگاندارىنىڭ جۇمىسىن اشىق ەتەدى جانە تۇرعىنداردىڭ سەنىمىن ارتتىرادى. ءاربىر الماتىلىق قۇقىق قورعاۋ ورتالىعىنا كەلگەن سوڭ ساپالى كومەك الاتىنىنا سەنىمدى بولۋى ءتيىس. ءبىزدى قولداعان جانە ورتالىقتىڭ اشىلۋىنا بارلىق جاعدايدى جاساعان الماتى اكىمدىگىنە العىسىمدى بىلدىرەمىن. ورتالىق قىزمەتكەرلەرىنىڭ باستى مىندەتى – ساپالى قىزمەتتى قامتاماسىز ەتۋ»، - دەدى ج.اسانوۆ.

باس پروكۋرور مەملەكەت بيۋاسشىسىنىڭ «تسيفرلى قازاقستان» باعدارلاماسىنا ايرىقشا نازار اۋداراتىنىن، وسىعان وراي قازىرگى كەزدە ۆەدومستۆودا بارلىق قىلمىستىق جانە اكىمشىلىك پروتسەسستەردى تسيفرلى فورماتقا كوشىرۋ ءۇشىن اۋقىمدى جۇمىستار ءجۇرىپ جاتقانىن ايتتى. بۇگىنگى كۇنى «ە-ۋگولوۆنوە دەلو» ارنايى باعدارلاماسى جاسالعان. باعدارلاما. قىلمىستىق پروتسەسستىڭ بارلىق كەزەڭىن، قىلمىستىڭ تىركەلۋىنەن باستاپ جازانىڭ ورىندالۋىنا دەيىنگى ارالىقتى تۇگەل قامتيدى.

ەرعالي بەرىكۇلى

Abai.kz