حابار ارناسىندا وتكەن «BILIM» باعدارلاماسىنا قاتىسقان ايمان ساعيدۋللا (http://khabar.kz/kz/m-ra-at/ba-darlamalar/item/71478-bilim) بجعم وكىلىنە ارنايى ۇندەۋ حات تاپسىرعان بولاتىن. ۇندەۋ حات  «Abai.kz» اقپاراتتىق پورتالىندا  (13 جەلتوقسان، 2017 جىلى) جاريالاندى. Bilimland ۇجىمى مۇعالىمدەر كوتەرگەن ماسەلەلەرگە بايلانىستى جاۋاپ بەرۋدى ءجون كوردى. 

قۇرمەتتى ۇستازدار، جاريالانعان اشىق حاتتا bilimland تۋرالى بىرقاتار پىكىرلەرىڭىز ايتىلعان ەكەن.

بىرىنشىدەن، حاتتا «ءار ءپاندى جەكە-جەكە شىعارسا» دەگەن ۇسىنىس ايتىلعان.

پلاتفورماعا كىرسەڭىزدەر «كۋرستار» دەگەن ايدارمەن ءار پانگە جەكە-جەكە بەرىلگەن ماتەريالدارمەن تانىسا الاسىزدار. سوسىن پانگە كىرىپ تاراۋ بويىنشا  ساباق تاقىرىپتارى نەگىزىندەگى ينتەراكتيۆتى ساباقتارعا كىرە الاسىزدار، ياعني ءار ءپان بويىنشا رەسۋرس پلاتفورمادا جەكە بەرىلگەن.

ەكىنشى، «بىراق وسى جەكە سەرىكتەستىك وبلىستىق ءبىلىم باسقارمالارىنا كىرگەن-كىرمەگەن مەكتەپتەر تۋرالى اقپاراتتى جىبەرىپ رەيتينگ شىعارىپ وتىرادى» دەگەن مالىمەت بەرىلگەن.

Bilimland وسى زامان تالاپتارىنا ساي مۇعالىمدەرگە كومەكشى قۇرال بولۋ كەرەك دەگەن ويمەن جاسالعان. ءبىزدىڭ ۇيىم ءوز رەسۋرتارىنىڭ قولدانىس اياسىن انىقتاپ، ۇستازدار مەن وقۋشىلار سۇرانىستارىن زەرتتەۋ ماقساتىندا رەيتينگ جۇرگىزىپ وتىرادى. مەكتەپ مۇعالىمدەرىنە قوسىمشا جۇمىس جۇكتەۋ نەمەسە رەسۋرستى پايدالانۋعا مىندەتتەۋگە جول بەرىلمەۋى ءتيىس.

ءۇشىنشى، «وسى كومپانيانىڭ ەلەكتروندى وقۋلىعى باعدارلامامەن سايكەس ەمەس» دەگەن پىكىر ايتىلعان. ۇجىم رەسۋرستارى قوسىمشا وقۋ قۇرالى، قوسىمشا ماتەريال رەتىندە ۇسىنىلادى. بىراق بارىنشا قر ءبىلىم بەرۋ باعدارلاماسىن نەگىزگە الىپ، حالىقارالىق ستاندارتتارعا ساي ءبىلىم بەرۋدى كوزدەيدى.

تورتىنشىدەن، حاتتا «قازىرگى كەزدە اكت دەگەن سىلتاۋمەن مەكتەپتەگى ينفورماتيكا ءپانى مۇعالىمدەرىنە كوپ جۇمىس مىندەتتەلىپ وتىر» دەگەن وي ايتىلادى. ساباقتا يننوۆاتسيالىق تەحنولوگيالاردىڭ مۇمكىندىكتەرىن پايدالانۋ مۇعالىمنىڭ ۋاقىتىن ۇنەمدەۋگە، ساباقتى قىزىقتى، تارتىمدى ەتىپ وتكىزۋگە، وقۋشىعا تولىققاندى ءارى جان-جاقتى مالىمەت بەرۋگە كومەكتەسەدى. ال پلاتفورما رەسۋرستارىن ساباقتا پايدالانۋ نەمەسە پايدالانباۋ مۇعالىمدەردىڭ ءوز قۇزىرەتىندە. بۇگىنگى كۇندە الەمدىك تاجىريبە يننوۆاتسيالىق تەحنولوگيالار مۇمكىندىكتەرىن وقۋ پروتسەسىندە پايدالانۋ، ساباقتى قىزىقتى ءارى تارتىمدى ەتەتىنىن دالەلدەدى. ءبىزدىڭ ۇجىم دا وسى تاجىريبەگە سۇيەنىپ، ۇستازدار قاۋىمىنا جانە وقۋشىلارعا شىن كوڭىلدەن قولداۋ كورسەتسەك دەگەن ىزگى نيەتتە.

الداعى ۋاقىتتا ءبىزدىڭ ۇجىم ايتىلعان سىن-ەسكەرتپەلەردى ەسكەرىپ، وسى ماسەلەلەردى شەشۋ باعىتىندا جۇمىس جاسايدى. Bilimland رەسۋرستارىن پايدالانىپ، پىكىر بىلدىرگەندەرىڭىز ءۇشىن راقمەت ايتامىز.

Bilimland ۇجىمى

Abai.kz