Instagram جۇلدىزى ايجان بايزاقوۆا قاماۋعا الىندى، - دەپ حابارلايدى الماتى ءىىد ءباسپاسوز قىزمەتى.

الماتى ىشكى ىستەر دەپارتامەنتىنىڭ وكىلدەرى پوليتسەيلەردىڭ 22 جاستاعى قىزدىڭ ۇساق بۇزاقىلىق ءۇشىن جاۋاپكەرشىلىككە تارتقانىن حابارلادى. ايتا كەتەيىك، تاياۋدا قالاداعى كلۋبتاردىڭ بىرىندە قىزداردىڭ تىرجالاڭاش شەشىنگەن ۆيدەوسى جاريالانعان ەدى.

"المالى اۋداندىق ءىىد جەرگىلىكتى پوليتسيا قىزمەتكەرلەرى قر اكىمشىلىك قۇقىق بۇزۋشىلىق تۋرالى كودەكسىنىڭ 434-بابى ("ۇساق بۇزاقىلىق") بويىنشا ءىس ماتەريالدارىن جيناپ، 1995 جىلعى ا.س.بايزاقوۆاعا قاتىستى قوعامدىق جەردە قوعامعا قارسى كونكۋرستار ۇيىمداستىرىپ، بىلاپىت سوزدەر ايتقانى ءۇشىن جاۋاپكەرشىلىككە تارتتى. بايزاقوۆانىڭ كىناسى تولىعىمەن دالەلدەندى. مامانداندىرىلعان اۋدانارالىق اكىمشىلىك سوت ۇكىمىنە سايكەس ول ءۇش كۇنگە قاماۋعا الىندى", - دەدى الماتى ءىىد وكىلدەرى.

قىز بالا ءوز ىسىنە وكىنىش بىلدىرگەن. ول سوت زالىندا قاماۋعا الىندى. اكىمشىلىك قاماۋ بويىنشا بلوگەر جازاسىن لوباچەۆسكي كوشەسىندە ورنالاسقان ارنايى قابىلداۋ مەكەمەسىندە وتەيتىن بولادى.

ەسكە سالايىق، الماتىنىڭ تۇنگى كلۋبتارىنىڭ بىرىندە اقشا ءۇشىن قىز شەشىندىرگەندەردىڭ وقيعاسىنان كەيىن ءبىر توپ جىگىت ۆيدەوۇندەۋ جاريالاعان ەدى.

بايزاقوۆا بيكەش الەۋمەتتىك جەلىدە جالاڭاشتانىپ ءجۇرىپ پيار جاساۋشى ەدى. ونىڭ كەيبىر بەيادەپ سۋرەتتەرى الەۋجەلىدە اشىق جاريا بولدى.

Abai.kz