27 جەلتوقساندا قر پارلامەنتى سەناتىنىڭ دەپۋتاتى،  داريعا نازارباەۆا «ەۆروكوپتەر قازاقستان ينجينيرينگ» زاۋىتىنا بارعاندا ءار اكىمگە ءبىر-ءبىر تىكۇشاقتان بەرۋ قاجەتتىگىن ايتقان بولاتىن.

سەناتور د.نازارباەۆا «اكىمدەر جاعدايىن ايتقانشا، اۋىلدىڭ جاعدايىن ايتىپ، ءار اۋىلعا ءورت سوندىرگىش، جەدەل-جاردەم كولىكتەرىن جانە قار تازالاعىش تەحنيكا بەرۋ كەرەك» دەپ ايتۋ كەرەك ەدى. سەبەبى, ۇلتتىق سانا-سەزىم، رۋحاني بايلىقتىڭ قاينار كوزى - اۋىل ماسەلەسىن تۇبەگەيلى شەشپەيىنشە، اۋىل حالقىنىڭ ءال-اۋقاتىن كوتەرمەيىنشە، قازاقستان ەكونوميكاسى قارىشتاپ دامي المايدى.

2003-2006 جىلدارى «اۋىل جىلى» دەپ جاريالانىپ، "كوركەيسە اۋىل – كوركەيەمىز ءبارىمىز!" دەگەن داڭعازا ۇرانمەن جۋرناليستەر جارىسا جازسا،  كەيبىرەۋلەرى اۋىلعا كوڭىل بولگەن بيلىككە راقمەت دەپ ولاردى اسىرا ماقتادى. ال əكىم مەن مينيسترلەر اۋىلدىڭ تىنىس-تىرشىلىگىن جاقسارتۋعا قىرۋار قارجى ءبولىنىپ، كوپتەگەن ءىس-شارالار اتقارىلدى دەپ  جالعان مəلىمەتتەرىن جاۋدىردى.

اۋىز تولتىلتىرىپ ايتقاندارىمەن ءəلى كۇنگە دەيىن اۋىل حالقىنا ەڭ قاجەتتى- قىس ايىندا قار تازالايتىن تەحنيكا، جازدا وتقا ورانعان دالا مەن ورتەنگەن ءۇي-قورانى سوندىرەتىن «ءورت سوندىرگىش» كولىك جəنە جىل ون ەكى اي بويى وتە قاجەتتى، تەحنيكالىق جاعدايى دۇرىس "جەدەل جəردەم" كولىگى مەن وعان قۇيار (توتەنشە جاعداي كەزىندە) جانار-جاعارماي مۇلدە بەرىلمەدى.

اۋىلدىق جەردە قىس ايىندا قار جاۋىپ، بوران بولعان كەزدەگى تىرشىلىك وتە قيىن. ءومىر بولعاسىن ءولىم بولادى. ال مارقۇم بولعان ادامنىڭ دەنەسى ۋاقىتىندا جەرگە بەرىلۋ كەرەك. جەر قازۋعا قالىڭ تۇسكەن قار كەدەرگى جاساپ، ءتىپتى ءمəيىتتى اۋىلدىڭ شەتىندەگى مولاعا جەتكىزە الماي قينالاتىنىنا تالاي كۋə بولىپ ءجۇرمىز.

سوڭعى ۋاقىتتا دالاداعى ءورتى ءسوندىرۋ كەزىندە ادامدار قايتىس بولۋى كوبەيۋدە، ال ءتىلسىز جاۋدان جىل سايىن ءۇي-قورالار جəنە قىسقا جيناعان شوپتەرى ءجيى ورتەنىپ، مالدارى وتقا ورانۋدا.  الىس جاتقان  اۋدان ورتالىعىنان ءورت ءسوندىرۋشى كولىك اۋىل-ايماق اراسىنداعى جامان جولمەن جەتكەنشە ءۇي-قورالار كۇلگە اينالادى. كوپ اۋىلدا جەدەل جəردەم كولىكتەرى جوق، ال بارلارىنىڭ əبدەن توزىقتارى جەتكەن.

ونىڭ ۇستىنە قوردا (زاپاستا) ساقتالاتىن بەنزينى تاعى بولماي اۋرۋ ادامدار قينالادى نەمەسە سالقىن كولىكتە ءۇسىپ-تالىپ اۋدان نەمەسە وبلىس اۋرۋحاناسىنا əزەر جەتەدى. وزگە اۋىل-ايماقتى بىلمەيمىن، ءوزىمنىڭ تۋعان جەرىم-بقو،قاراتوبە اۋدانى، قوسكول اۋىلىندا كەڭەس ۇكىمەتى تۇسىندا قار تازالايتىنى بار 22 دانا ك-700 تراكتورى بولعان. دامىعان 30 ەلدىڭ قاتارىنا كىرەمىز، ەكسپو وتكىزدىك، ەكونوميكامىز مىقتى دەپ ماقتانىپ جۇرگەن قازىرگى ۋاقىتتا 15 مىڭداي حالقى، 9 اۋىلدىق وكرۋگى مەن 22 ەلدى مەكەنى  جəنە 10 مىڭ شارشى كم اۋماعى بار قۇت دارىعان  كيەلى قاراتوبە اۋدانىندا جالعىز عانا قار اشيتىن ك-700 تراكتورى بار، ونىڭ ءوزى دە بىردە جۇرەدى، بىردە بۇزىلادى.

ەلىمىزدىڭ ەكونوميكاسى شىنايى جاقسى بولسا، ۇلتتىڭ بولمىس-ءبىتىمىن ساقتاپ وتىرعان، رۋحاني قايماعى بۇزىلماعان əر اۋىلعا حالىق مۇددەسىنە وتە قاجەتتى ءورت سوندىرگىش، جەدەل جəردەم جəنە قار تازالاعىش تەحنيكالاردى بەرۋ كەرەك. سوندا عانا، اۋىل حالقى ۇكىمەتكە شىنايى ريزا بولار ەدى.

تالعات قاتاۋوۆ

ورال قالاسى

Abai.kz