"فاردو راديوسىنىڭ" مالىمەتىنە قاراعاندا، ەلدەگى ەرەۋىلدەر كەزىندە شامامەن 700 ادام تۇتىندالعان. يران ىشكى ىستەر ءمينيسترىنىڭ ورىنباسارى قاماۋعا الىنعانداردىڭ 90 پايىزى 25 جاستان جوعارى ەمەستىگىن ايتتى.

يراننىڭ مەملەكەتتىك تەلەارناسى 2 قاڭتارعا قاراعان ءتۇنى ەرەۋىل كەزىندە توعىز ادام ولگەنىن حابارلادى. رەسمي مالىمەت بويىنشا، بىرنەشە كۇندە ەرەۋىل كەزىندە كەم دەگەندە 20 ادام قازا تاپقان، ولاردىڭ اراسىندا پوليتسيا قىزمەتكەرلەرى دە بار.

يراننىڭ رۋحاني كوسەمى اياتوللا ءالي حامەنەي 28 جەلتوقساندا باستالعان ەرەۋىلدەر تۋرالى العاش رەت پىكىر ءبىلدىردى. ول "يسلام رەسپۋبليكاسىنىڭ جاۋلارى" دەپ اتاپ، ەلدە تارتىپسىزدىك ورناتقانى ءۇشىن ايىپتادى. بىراق ول "جاۋلاردىڭ" ەسىمدەرىن اتاعان جوق.

اقش، گەرمانيا، شۆەتسيا، تۇركيا، يزرايل، فرانتسيا جانە ۇلىبريتانيا ۇكىمەتتەرى تەگەراننىڭ ەرەۋىلدى كۇشپەن باسۋعا تالپىنعانىن ايىپتادى.

بۇل ۋاقىتتا رەسەيلىك ءسىم ەلدىڭ ىشكى جاعدايىنا سىرتتان ىقپال ەتۋگە بولمايدى دەپ مالىمدەگەن. يران بيلىگىنىڭ ارەكەتىن سيريا ۇكىمەتى دە جاقتاپ وتىر.

Abai.kz