مۇقاباسىندا تيمۋر قۇلىباەۆتىڭ پورترەتى بار جۋرنالدىڭ جاڭاجىلدىق العاشقى سانى 4 قاڭتاردا جارىق كورىپ، ساتىلىمعا تۇسە باستادى.

تيمۋر قۇلىباەۆ پرەزيدەنت نازارباەۆتىڭ ورتانشى قىزى دينارانىڭ كۇيەۋى. 2011 جىلدان بەرى رەسەيلىك «گازپروم» كومپانياسىنىڭ ديرەكتورلار كەڭەسىنىڭ مۇشەسى. تيمۋر مەن دينارا «المەكس» كومپانياسى ارقىلى حالىق بانكتى باقىلايدى. وتكەن جىلى بانك اكتيۆى جاعىنان قازاقستانداعى ەڭ ءىرى بانكتىڭ ءبىرى سانالاتىن قازكوممەرتسبانكتى ساتىپ الدى. قۇلىباەۆ ەلدەگى وزگە ءىرى كومپانيالاردىڭ اكتيۆتەرىن باقىلايدى.

«قازكوممەرتسبانك پەن حالىق بانكتىڭ بىرىگۋى، ساقتاندىرۋ نارقىنداعى، اۆياتسيا جانە مەديتسينالىق بيزنەستەگى ۇستانىمىنىڭ نىعايۋى — وسىنىڭ ءبارى بيزنەسمەنگە بالل جينادى. ونىڭ وتكەن جىلداعى ەڭ ماڭىزدى جەتىستىگى “اتامەكەن” مەن بيلىك اراسىنداعى ديالوگتى كۇشەيتۋى»، — دەلىنگەن Forbes Kazakhstan جازعان ماقالادا. وندا 2017 جىلى قۇلىباەۆ Forbes Kazakhstan بولجامى بويىنشا «ەڭ بەدەلدى 50 بيزنەسمەننىڭ» ىشىندە توپ جارعانىن جانە قازاقستاننىڭ «ەڭ باي 50 بيزنەسمەنى» ىشىندە العاشقى ۇشتىكتە ەكەنى ايتىلادى.

تيمۋر قۇلىباەۆ KAZENERGY مۇنايگاز جانە ەنەرگەتيكالىق كومپلەكس ۇيىمدارى قاۋىمداستىعىن، ۇلتتىق وليمپيادا كوميتەتىن باسقارادى. قازاقستان بوكس فەدەراتسياسىنىڭ جەتەكشىسى. امەريكالىق Forbes جۋرنالىنىڭ ەسەبى بويىنشا، تيمۋر قۇلىباەۆتىڭ بايلىعى 2,1 ميلليارد دوللارعا باعالانادى.

Abai.kz