"ۇلتتىق اقپاراتتىق كەڭىستىكتىڭ اۆتوماتتاندىرىلعان مونيتورينگى جۇيەسىن" جاساۋعا مەملەكەتتىك بيۋدجەتتەن 1,7 ميلليارد تەڭگە (شامامەن بەس ميلليون دوللار) بولىنبەك. بۇل تۋرالى قازاقستاننىڭ اقپارات جانە كوممۋنيكاتسيا مينيسترلىگى حابارلادى. جۇيەنى جاسايتىن كومپانيا كونكۋرس ارقىلى انىقتالادى.

"مۇنداي جۇيە بىزگە قاجەت. بۇل - مونيتورينگ، باقىلاۋ جۇرگىزۋ تۋرالى ءسوز جوق. مىسالى وسى جۇيە ارقىلى قازاق تىلىندە قانشا جازبا شىققانىن ءبىلىپ وتىرامىز" دەدى قازاقستان اقپارات جانە كوممۋنيكاتسيا ءمينيسترى داۋرەن اباەۆ.

ءمينيستردىڭ ايتۋىنشا، مونيتورينگ جۇيەسىنە قازاقستانداعى گازەت-جۋرنال، سايت، تەلەارنالار كىرەدى.

2017 جىلدىڭ سوڭىندا اباەۆ ينتەرنەتتەگى شىققان ماقالا، جازبالارعا مونيتورينگ جۇرگىزەتىن جۇيە جاسالاتىنىن ايتقان. ونىڭ ايتۋىنشا، بۇل جۇيە جەلىدەگى بارلىق جازبالاردى باقىلاپ وتىرۋعا مۇمكىندىك بەرەدى.

Abai.kz