بۇگىن اقوردانىڭ ءباسپاسوز قىزمەتى  قازاقستان پرەزيدەنتى نۇرسۇلتان نازارباەۆتىڭ 1992 جىلى اقش-قا ساپارىندا تۇسىرىلگەن ۆيدەونىڭ ءۇزىندىسىن جاريالادى.

بۇل ساپار 1992 جىلى 18-20 مامىر ارالىعىندا بولعان. ول كەزدە نۇرسۇلتان نازارباەۆ اقش پرەزيدەنتى دجوردج بۋشپەن، مەملەكەتتىك حاتشى دجەيمس بەيكەرمەن جانە وزگە دە مينيسترلەر، سەناتورلار جانە كاسىپكەرلەرمەن كەزدەسكەن ەدى.

العاشقى ساپار اياسىندا قازاقستان مەن اقش ۇكىمەتى اراسىنداعى ءوزارا تۇسىنىستىك مەموراندۋمىنا، كاپيتال سالۋدى قولداۋ مەن ءوزارا قورعاۋ تۋرالى كەلىسىمگە، ساۋدا قاتىناستارى تۋرالى كەلىسىمگە جانە باسقا دا قۇجاتتارعا قول قويىلعان.

ەسكە سالا كەتەيىك، قازاقستان پرەزيدەنتى نۇرسۇلتان نازارباەۆ اقش پرەزيدەنتى دونالد ترامپپەن ۆاشينگتوندا 2018 جىلدىڭ 16 قاڭتارىندا كەزدەسەدى. مەملەكەت باسشىسى اقش-تا 18 قاڭتارعا دەيىن بولادى.

Abai.kz