ۇلتتىق بيزنەستىڭ وكىلى رەتىندە «اق جول» دەموكراتيكالىق پارتياسى ءۇشىن پرەزيدەنتتىڭ نارىقتىق رەفورمالاردى دامىتۋعا، ادال باسەكەلەستىكتى جانە وتاندىق كاسىپكەرلەردى قولداۋعا باعىتتالعان تاپسىرمالارى باسىم باعىت بولىپ سانالادى.

بۇل كەزەكتە، اتالمىش جولداۋدا ۇسىنىلعان قازاقستاننىڭ ءارى قاراي جاڭعىرۋىنداعى ەكونوميكالىق شەشىمدەردىڭ ايقىن ارتىقشىلىقتارىن اتاپ وتكەن دۇرىس. اسىلىندا، نۇرسۇلتان ءابىشۇلى، ءاردايىم پراكتيكالىق ماسەلەلەردىڭ ارتىق ساياساتتاندىرىلۋىنسىز ولاردىڭ جاقتاۋشىسى بولىپ كەلەدى. «الدىمەن ەكونوميكا، سوسىن ساياسات» - دەگەن ەلباسىنىڭ ءسوزى الدەقاشان  ناتيجەگە باعىتتالعان، باسقارۋدىڭ وزىندىك ۇستانىمىنا اينالعان.

مەملەكەت باسشىسىنىڭ بۇل جولعى حالىققا جولداۋىنىڭ اجىراماس تاقىرىبى كۇندەلىكتى ومىرگە يننوۆاتسيالار مەن ساندىق تەحنولوگيالاردى بەلسەندى ەنگىزۋ مەن جىلجىتۋ، ءارتۇرلى سەكتورلاردا ولاردىڭ «تىرەك توراپتارىن» قۇرۋ بولدى.

اتاپ وتكەندەي جاڭا تەحنولوگيالاردى ەنگىزۋدىڭ فلاگمانى يندۋستريالدى سفەرا بولۋى كەرەك، - ياعني، ەڭ الدىمەن ونەركاسىپتىك وندىرىستە جاڭا تەحنولوگيالاردى ەنگىزۋ ورىن الۋعا ءتيىس – بۇل جولداۋدىڭ قولدانبالى سيپاتىن بىلدىرەدى. باسقا سوزبەن ايتقاندا، «جاسامپازداندىرۋ» تەك قانا قىزمەتتەر، ينفورماتيكا نەمەسە ويىن-ساۋىق يندۋستريالارىنا قاجەت ەمەس. جاڭا تەحنولوگيالاردى ناقتى سەكتورلارعا ەنگىزبەسە، ەكونوميكادا قۇرىلىمدىق وزگەرىستەر بەكىنبەي بارلىق باسقا يننوۆاتسيالار قوسالقى بولىپ قالادى.

مەملەكەت باسشىسى قازاقستانعا يننوۆاتسيا تۇمار رەتىندە ەمەس، ونى وندىرىستە تاجىريبەلىك قولدانۋدا قاجەت ەكەنىنە اسا نازار اۋدارىپ اتاپ ءوتتى: «ناقتى سەكتورلار تاراپىنان جاڭا تەحنولوگيالارعا سۇرانىستى ىنتالاندىرۋ جانە جەكە نارىقتى قىزمەتىن ۆەنچۋرلىق قارجىلاندىرۋعا باعىتتاۋ يننوۆاتسيالىق ەكوجۇيە تابىسىنىڭ نەگىزگى فاكتورلارى بولىپ تابىلادى».

ءونىمدى ەكسپورتتاۋعا، كاسىپورىندى مودەرنيزاتسيالاۋعا باعىتتالعان جاڭا قۇرالداردى جاساۋ تۋرالى ايتا وتىرىپ، پرەزيدەنت بيزنەس ءۇشىن ايتارلىقتاي اۋىر تاقىرىپتى اتاپ كورسەتتى. كەز كەلگەن وندىرىستىك پروتسەستى مودەرنيزاتسيالاۋ، اسەرەسە تەحنيكو-تەحنولوگيالىق كاسىپورىندى قايتا قۇرالداندىرۋ بۇگىندە بيزنەستىڭ ءوز ەسەبىنەن جۇرگىزىلەدى. بۇل ءوز كەزەگىندە جاڭا تەحنولوگيالىق شەشىمدەردى ساتىپ الۋعا عانا ەمەس، ءوندىرىس جاعدايىن جاقسارتۋعا، ونى قايتا قارۋلاندىرۋعا جانە قايتا قۇرۋعا شىعىنداردىڭ بولاتىندىعىن كورسەتەدى.

كوپتەگەن ەۋروپالىق مەملەكەتتەردە، جەكەلەي العاندا، گەرمانيادا، مۇنداي جاعدايدا مەملەكەتتەن تۋرا كومەك سۇراۋعا قۇقىلى، ال ەگەر ماسەلە قوسىمشا ينۆەستيتسيالار تۋرالى بولسا وندا،  سالىنعان قارجىنىڭ 50%-ى قايتارىلادى. بۇل ۋاقىتتا، ءبىزدىڭ شەنەۋلىكتەر ينۆەستيتسيالىق جەڭىلدىكتەر اياسىندا قايتا قۇرۋ مەن ءوندىرىستى جاڭالاۋدان وتكەن كومپانيالاردى قولداۋدان سوڭعى ۋاقىتقا دەيىن  باس تارتىپ كەلەدى. كاسىپورىندى مودەرنيزاتسيالاۋعا ينۆەستيتسيالىق سۋبسيديالار تۋرالى ۇسىنىسقا مۇنداي جاۋاپتاردى ءبىز ۇكىمەت كۇشىن جويۋدان باستارتىپ وتىرعان، كاسىپكەرلىك كودەكىسىنىڭ كۇشىندەگى نورمالارىنا قاراماستان مينيسترلىكتەردەن، جانە ۇكىمەتتىڭ وزىنەن دە العانبىز.

«اق جول» قدپ پارلامەنتتىك فراكتسياسى بۇل ماسەلەنى قوزعادى جانە 2017 جىلدىڭ 20-شى جەلتوقسانىنداعى دەپۋتاتتىق ساۋالدا مۇنداي نيەتتەرگە وزدەرىنىڭ قارسىلىقتارىن ءبىلدىردى. پرەزيدەنتتىك تۋرا تاپسىرماسى مەملەكەتتىك ورگاندار جۇمىس جاساپ تۇرعان كاسىپورىنداردى مودەرنيزاتسيالاۋدى, جاڭا جوبا رەتىندە قاراپ،  بۇل ماسەلەلەرگە شىنايى قاراپ جانە قولداۋ كورسەتۋگە يتەرمەلەيدى دەپ  سەنەمىز. وعان قوسا، نۇرسۇلتان ءابىشۇلى ءوز جولداۋىندا بىرنەشە جۇمىس جاساپ تۇرعان كاسىپورىنداردى تسيفرلاۋ بويىنشا پيلوتتىق جوبالاردى جۇزەگە اسىرۋدى جانە بۇدان كەيىن وسى تاجىريبەنى كەڭ تارتۋدى ۇسىندى.

ازات پەرۋاشەۆ

«اق جول» پارتياسىنىڭ توراعاسى، ءماجىلىس دەپۋتاتى

Abai.kz