قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ اقش پەن رف اراسىنداعى قارىم-قاتىناستى نولگە تەڭەدى، - دەپ حابارلايدى وسى جولداردىڭ اۆتورى، ءارى نيۋ-يوركتە جۇرگەن ءتىلشىمىز. نازارباەۆ ترامپپەن كەزدەسۋ بارىسىندا "سولتۇستىك كورەي ەلىندەگى احۋالعا قاتىستى ويىن بىلدىرگەندە، بۇل تاراپتاعى ماسەلەنى اقش، رەسەي جانە قىتاي جاعى بىرلەسە وتىرىپ شەشۋى كەرەك. الايدا اقش پەن رەسەي اراسىنداعى كاتىناس وتە ناشار، تۋراسىن ايتقاندا، نولگە تەڭ" دەدى.

ال، رەسەي بيلىگى بولسا، قازاقستاننىڭ اقش-پەن ارىپتەستىك بايلانىس جاساپ جاتقان قادامىن وڭ كورىپ وتىرعان جوق. وڭ كورمەيتىندىگىن كرەمل كەشە سىرتقى ساياساتتا ءتىس قاققان جىرىندىنىڭ ءبىرى لاۆروۆتىڭ اۋزىمەن ايتىپ قالدى. لاۆروۆ، ارينە، قازاق-اقش قاتىناسىنداعى ەكونوميكالىق كەلىسىمدەردى ەلەمەۋگە تىرىسادى. ول ءۇشىن قازاقستان مەن ورتا ازيا ەلدەرى باياعىسىنشا رەسەي بيلىگىنىڭ قاس-قاباعىن باعىپ، دەگەنىنە باعىنىپ قانا وتىرۋى كەرەك. ايتسە دە بۇل ايماق (ورتا ازيانى ايتامىز) سانكتسيالاردان سانسىراي باستاعان رەسەيدەن ىرگەسىن اۋلاققا سالماسا دا، اقش-قا كاراي ەپتەپ بەت بۇرۋدا.

سونىڭ ءبىر مىسالى وزبەكستاننىڭ تۇڭعىش رەت اقش-تان 20 ملرد. دوللار كولەمىندە ينۆەستيتسيا تارتۋى دەسەك، 100 ميللياردتان استام ينۆەستيتسيا تارتقان قازاقستان وسى جولى اقش-تان 7,5 ملرد. دوللاردىڭ دۇنيەسىن ساتىپ الاتىن بولىپ كەلىستى. بۇل كەلىسىمدى اقش پرەزيدەنتى جوعارى باعالاپ، "وسى كەلىسىمنىڭ ناتيجەسى بويىنشا، بىزدە جۇمىس ورىندارى كوبەيە تۇسەدى" دەپ مالىمدەدى. راسىندا، 7,5 ملرد. دوللاردىڭ ساۋداسى اقش-تا جەتى مىڭعا جۋىق جۇمىس ورىندارىنىڭ اشىلۋىنا مۇمكىندىك تۋعىزاتىنعا ۇقسايدى.

حوش دەلىك. نازارباەۆ پەن ترامپتىڭ ۆاشينگتونداعى كەزدەسۋىندە س5+1 فورمۋلاسى ساياسي تەرمين رەتىندە قولدانىلدى. بۇل وا-داعى بەس ەل جانە اقش دەگەن ءسوز.

نۇرگەلدى ابدىعانيۇلى

Abai.kz