قازاقستان پرەزيدەنتى "ەگەر الەم ەلدەرى يادرولىق قارۋعا قاتىستى كەلىسسوز وتكىزۋدى قالاسا قازاقستان ولارعا الاڭ ۇسىنۋعا دايىن" دەدى. قازاقستان قاڭتار ايىندا بۇۇ قاۋىپسىزدىك كەڭەسىنە توراعالىق ەتەدى.

"قازاقستان يادرولىق قارۋدان باس تارتۋ ارقىلى تاۋەلسىزدىگىن نىعايتىپ، الەم الدىندا بەدەل جينادى. الەم ەلدەرىن بىزدەن ۇلگى الۋعا شاقىرامىن. كەزىندە يراندى [يادرولىق قارۋدان باس تارتۋعا] شاقىردىق. ەندى سولتۇستىك كورەيانى شاقىرامىز" دەدى نازارباەۆ.

سول وتىرىستا رەسەيدىڭ سىرتقى ىستەر ءمينيسترى سەرەي لاۆروۆ يراننىڭ الەم دەرجاۆالارىمەن يادرولىق كەلىسسوزدەن باس تارتۋىن حالىقارالىق قاۋىمداستىققا جولدانعان "قاۋىپتى دابىل" دەپ اتادى.

بۇنىڭ الدىندا ماسكەۋدە لاۆروۆ تەگەرانمەن كەلىسىم بۇزىلعان جاعدايدا، سولتۇستىك كورەيا باسشىسى كيم چەن ىن يادرولىق قارۋىن سانكتسيالارعا اۋىستىرمايدى دەگەن ەدى.

Abai.kz