وزبەكستان پرەزيدەنتى شاۆكات ميرزياەۆ 31 قاڭتاردا "ۇلتتىق قاۋىپسىزدىك قىزمەتىن زامان تالابىنا ساي قايتا قۇرىلىمداۋ قاجەتتىلىگى تۋرالى" جارلىق شىعارعان سوڭ رەفورما باستالعان.

قىزمەتتەن قانداي بولىمدەر جويىلىپ، قايسىسى قورعانىس مينيسترلىگى مەن ءىىم قاراماعىنا كوشىرىلەتىنى تۋرالى رەسمي اقپارات جوق. وزودليك راديوسى دەرەككوزىنىڭ ايتۋىنشا، قاۋىپسىزدىك قىزمەتىنەن ىشكى ىستەر مينيسترلىگىنە كوشىرىلەتىن ارنايى ءبولىم قارۋلى تىرەك قۇزىرەتى بار جۇيەگە جاتادى. بۇل بولىمدە ەڭ ۇزدىك وفيتسەرلەر جۇمىس ىستەيدى.

"بۇل بولىمدەر ءىىم بۇرىنعى باسشىسى زوكيرجون الماتوۆتىڭ باستاماسىمەن قۇرىلدى. وندا ەڭ مىقتى دايىندىقتان وتكەندەر قىزمەت ەتەدى. ءاندىجان وقيعاسىنان سوڭ كاريموۆ ىشكى ىستەر مينيسترلىگىنە سەنۋدەن قالدى، سول كەزدە ينوياتوۆ بولىمدەردى وزىنە قاراتىپ العان", - دەدى وزودليك راديوسىنا تاشكەنتتەگى دەرەككوز.

وزبەكستان ۇلتتىق قاۋىپسىزدىك قىزمەتىنىڭ توراعاسى، گەنەرال-پولكوۆنيك رۋستام ينوياتوۆ، 23 جىل باسشىلىقتان سوڭ، 30 قاڭتاردا وتستاۆكاعا كەتىپ، پرەزيدەنتتىڭ ساياسي-قۇقىقتىق ماسەلەلەر جونىندەگى مەملەكەتتىك كەڭەسشىسى بولىپ تاعايىندالدى. بۇنىمەن قوسا ول سەناتتىڭ دەربەس قۇقىققا يە مۇشەسى اتاندى.

Abai.kz