اقوردانىڭ رەسمي سايتىندا "نۇرسۇلتان نازارباەۆ پەن سوورونباي جەەنبەكوۆ اڭگىمەلەسۋ بارىسىندا ەكىجاقتى ىنتىماقتاستىقتىڭ قازىرگى جاعدايى مەن كەلەشەگىن، سونداي-اق ەكى ەلدىڭ ەۋرازيالىق ەكونوميكالىق وداق اياسىنداعى ءوزارا ءىس-قيمىلىن تالقىلادى. مەملەكەتتەر باسشىلارى كۇن تارتىبىندەگى وڭىرلىك جانە حالىقارالىق وزەكتى ماسەلەلەر جونىندە پىكىر الماستى. سونداي-اق، تاراپتار الداعى كەزدەسۋلەر كەستەسىن قاراستىردى" دەلىنگەن.

قازاقستان پرەزيدەنتى نۇرسۇلتان نازارباەۆ پەن قىرعىزستان پرەزيدەنتى سوورونباي جەەنبەكوۆ بۇعان دەيىن استانادا جەلتوقساننىڭ سوڭىندا كەزدەسكەن. ول كەزدەسۋدە بىرلەسكەن مالىمدەمەگە جانە قازاق-قىرعىز شەكاراسىن دەماركاتسيالاۋ تۋرالى كەلىسىمگە قول قويىلعان ەدى.

پرەزيدەنتتەر سونىمەن قاتار ەكى ەل ۇكىمەتتەرى اراسىنداعى قازاق-قىرعىز شەكاراسىنداعى رەجيم تۋرالى دا كەلىسىمگە قول قويدى. سوورونباي جەەنبەكوۆ 25 جەلتوقساندا استاناعا رەسمي ساپارمەن كەلگەن.

Abai.kz