تۇركىمەنستاندا دوللار باعامى ءوسىپ، ارتىنشا ازىق-تۇلىك قىمباتتادى
10 اقپاندا تۇركىمەنستاندا دوللار باعامى 14-15 ماناتقا دەيىن ءوستى. ارتىنشا ازىق-تۇلىك بىردەن قىمباتتادى. ءبىرىنشى كەزەكتە يمپورت ونىمدەرىنىڭ باعاسى وسكەن.
"حرونيكا تۋركمەنيستانا" باسىلىمىنىڭ مالىمەتىنشە، 5 ليترلىك كۇنباعىس مايى 46-دان 58 ماناتقا، ءبىر كەلى قانت باعاسى 5-دەن 7 ماناتقا ءوسىپ كەتكەن.
قازاقستان ۇنىنىڭ باعاسى ەكى ەسەگە - ءبىر كەلى ۇن 2 ماناتتان 4 ماناتقا دەيىن وسكەن.
6 كەلىلىك Persil كىر جۋعىش ۇنتاعى 65 ماناتتان 96 ماناتقا بىراق كوتەرىلگەن.
جەرگىلىكتى «احال» مايى 5-دەن 8 ماناتقا قىمباتتاعان.
Abai.kz
