رەسەي سوعىسسىز وتىرا المايدى. مولدوۆادان پريدنەستروۆە تارتىپ الىندى. 2008 جىلى رەسەي گرۋزياعا شابۋىل جاساپ، ودان وڭتۇستىك وسەتيا مەن ابحازيانى تارتىپ الدى. وڭتۇستىك وسەتيا مەن سولتۇستىك وسەتيا بىرىگىپ، رەسەيدىڭ قۇرامىنداعى الانيا رەسپۋبليكاسى بولىپ قايتا قۇرىلدى.

ودان بۇرىن رەسەي تاۋلى قاراباح جەرىنە ءازىربايجان مەن ارمەنيا تالاسىنا ارالاسىپ، ارميانداردى قولدادى. 2014 جىلى ۋكراينادان قىرىمدى كۇشپەن الىپ، شىعىس ۋكراينادا جاريالانباعان سوعىس باستادى. ول از بولعانداي سيريادا اسكەري وپەراتسيالار جۇرگىزىپ جاتىر.

ءبىز رەسەيدىڭ وداقتاسى بولساق تا بىردە ءبىر سوعىسقا قاتىسپادىق. نۇرەكەڭ رەسەيدىڭ ساياسي اۆانتيۋرالارىنا قاتىسقىسى كەلمەدى. تۇبىندە رەسەيگە تاۋەلدى پريدنەستروۆە مەن ابحازيا ەگەمەندىك الادى. شەشەنستان، داعىستان، الانيا، ينگۋشەتيا مەن باسقا سولتۇستىك كاۆكاز رەسپۋبليكالارى دا رەسەيدەن دەربەستىككە ۇمتىلادى. سول تۇستا قازاقستان رەسەيدەن الىستاي بەرەدى، ورىسشىل قازاقتار بيلىكتەن عايىپ بولىپ، ەل قازاقىلانىپ، ودان ارى مۇسىلماندانادى. قازاقستانداعى ورىس، ۋكراين، نەمىس دياسپورا وكىلدەرى كوز الدىمىزدا ستاتيستيكالىق ەلەۋسىز حالىققا اينالادى. كەلەسى كەزەكتە تىلدىك جانە ۇلتتىق اسسيميلياتسيا جۇرەدى، وعان بىرەگەي قازاق مەكتەبى جۇمىس ىستەيتىن بولادى.

سولاي بولۋ ءۇشىن قانداي جاعدايلار كەرەك: بەيبىت دەموكراتيالىق ترانزيت، قۇقىقتىق دەموكراتيالىق رەفورمالار، جەرگىلىكتى جەردە ءوزىن ءوزى باسقارۋ رەفورمالارى، بيلىك پرەروگاتيۆالار مەن فينانستىق قارجىلار جەرگىلىكتى جەرلەرگە جەتكەنى ءجون. بولاشاقتا بىزگە پارلامەنتتىك رەسپۋبليكالىق مودەلگە جىلجۋ كەرەك، ناتو-عا جانە ەۋروپالىق وداققا كىرگەن ءجون.

قازاقستاننىڭ 12 پايىزى ەۋرازيانىڭ ەۋروپالىق بولىگىندە ورنالاسقان. قىتاي مەن رەسەي ءبىزدى جۇتىپ قويماس ءۇشىن ورالمانداردى جيناي بەرۋ كەرەك. دەموگرافيالىق وسۋمەن قاتار ساپالىق سيپاتتاردىڭ كوتەرىلگەنى كەرەك. ەكونوميكالىق دامۋ 4 پايىزدان تومەن بولماۋ كەرەك. بىزگە زاۋالدى تاۋقىمەت سانالاتىن جەمقورلىقتى كەرەمەت دەپ جۇرگەن جىگىتتەر ۇرى بولىپ شىعىپ، قاماقتان ورىن تابادى... وكىنىشتى-اق.

Abai.kz