ۇستالعانداردىڭ ىشىندە يسلامنىڭ جاڭعىرۋى پارتياسىنىڭ نەگىزىن قالاعان سايد ابدۋللو ءنۋريدىڭ نەمەرە ءىنىسى نۋسراتۋللو سايدوۆ تا بار.

بەلگىلى بولعانداي، 16 اقپاندا يم-ءنىڭ قارا تۋى تابىلعاننان كەيىن اۋىلدا جاپپاي تەكسەرۋ باستالعان.

اۋىل توراعاسى حولمۋرود نۋريددينوۆ نۋسراتۋللو سايدوۆتىڭ «يستيكلول» اۋىل شارۋاشىلىعى عيماراتىنىڭ شاتىرىندا يم-ءنىڭ ەكى بىردەي قارا تۋى ءىلىنىپ تۇرعانىن ايتادى. تاعى ءۇش تۋ عيمارات ىشىنەن تابىلعان.

نۋسراتۋللو سايدوۆتىڭ ءوزى دۇيسەنبى كۇنى قۇقىق قورعاۋ ورگاندارىنىڭ تەرگەۋىنەن كەيىن بوساتىلعانىن ايتادى.

«ەشكىم مەنى تۇتقىنعا العان جوق. مەن بوستاندىقتامىن. بىرەر كۇن بۇرىن مەنىڭ جۇمىس كەڭسەمنىڭ شاتىرىنىڭ توبەسىنە بىرەۋلەر "يسلام مەملەكەتى" توبىنىڭ قارا تۋىن ءىلىپ كەتىپتى. بيلىك كىنالىلەردى ۇستاعانىن قالايمىن»،- دەپ مالىمدەدى سايدا ابدۋللو ءنۋريدىڭ نەمەرە ءىنىسى.

Abai.kz