قىرعىزستان ەكى جىل بويى قازاقستانعا ەلشى تاعايىنداماعان
قىرعىزستان سىرتقى ىستەر ءمينيسترىنىڭ ورىنباسارى دينارا كەمەلوۆانىڭ حابارلاۋىنشا، قىرعىزستاننىڭ قازاقستانداعى ەلشىسى جاقىن ۋاقىتتا تاعايىندالادى.
بۇل تۋرالى ول 28 اقپاندا جوگوركۋ كەنەشتە مالىمدەدى. دەپۋتاتتار ەكى جىل بويى قازاقستاندا قىرعىز ەلشىسى نەگە جوق ەكەنىن بىلگىسى كەلگەن.
ءمينيستردىڭ ورىنباسارىنىڭ سوزىنە قاراعاندا، ەلشى قىزمەتىنەن ۇمىتكەرگە پرەزيدەنتتىڭ كەلىسىمىن الۋ جۇمىسى ءجۇرىپ جاتىر.
قىرعىزستاننىڭ قازاقستانداعى بۇعان دەيىنگى ەلشىسى ەسەنگۋل ومۋراليەۆ 2016 جىلى ساۋىردە قىزمەتىنەن بوساعان. ەكى جىلعا جۋىق ۋاقىت بويى ديپلوماتيالىق وكىلدىك باسشىسىز جۇمىس ىستەپ كەلگەن.
Abai.kz
