ىڭعايسىزداۋ بولدى. مينيستر ناقتى سۇراققا ناقتى جاۋاپ بەرە المادى. تاراتىپ ايتساق، بۇگىن ادەتتەگىدەي پالاتا وتىرىسى ءجۇرىپ جاتقان. كۇن تارتىبىندەگى زاڭدى راتيفيكاتسيالاۋ ءۇشىن ەلىمىزدىڭ ۇلتتىق ەكونوميكا ءمينيسترى تيمۋر سۇلەيمەنوۆ بار قازاقشاسىن سارقا پايدالانىپ ول زاڭنامانىڭ نە ءۇشىن قاجەتتىگىن ءتۇسىندىرىپ جاتتى. سول ساتتە سەناتور م.قۇل-مۇحاممەد تاقىرىپقا وراي ءبىر سۇراقتى ماڭدايدان سارت ەتكىزدى.

مينيستر ەسەڭگىرەپ قالدى ما، بولماسا دايىندىعى كەمشىن بولدى ما، ماندىتىپ جاۋاپ بەرە المادى. دەسە دە، ايتەۋىر ويدان-قىردان قۇراپ بىردەڭە ايتىپ تىعىرىقتان شىعىپ كەتپەك بولىپ ەدى سەنات توراعاسى قاسىم-جومارت توقاەۆ: «بولدى ما؟» دەپ سۇرادى. «بولدى» دەدى مينيستر. توراعا كوڭىلى تولماعانىن ءسوز رايىنان بايقاتىپ، تاعى ءبىر مۇمكىندىك بەردى دە: «ءسىزدىڭ جاۋابىڭىز تولىق ەمەس، سۇراق ناقتى بولدى. وسى ماسەلەگە بايلانىستى ناقتى جاۋاپ بەرىڭىزشى» دەدى. مينيستر تاعى ءبىراز «شاپتى». بىراق تاعى دا «ميمو». ودان ءارى تىڭداۋدا ءمان قالماعانىن تۇسىنگەن سەنات توراعاسى ءمينيستردىڭ ءسوزىن شورت قيدى دا «مينيستر مىرزا، ءسىز بۇل ماسەلە بويىنشا جازباشا جاۋاپ بەرىڭىز. وتىرىڭىز» دەدى. (تومەندەگى ۆيدەونى قاراڭىز). 

مۇنى بارلىق باق وكىلدەرى ەستىدى، ونلاين قاراپ وتىرعان بارشا جۇرت كوردى. ەندى مينيسترلەر سەناتقا دايىندالىپ كەلەتىن شىعار.

ادىلبەك قابا

Abai.kz