رەسمي مالىمەتتەرگە قاراعاندا، التىنشى شاقىرىلىمداعى ءماجىلىس سايلاۋىنا ۇمىتكەرلەردىڭ كەم دەگەندە 30-ى - ۇلتتىق پارلامەنتتىڭ قازىرگى دەپۋتاتتارى. ۇمىتكەرلەر اراسىندا پرەزيدەنت گۋربانگۋلى بەردىمۇحامەدوۆتىڭ ۇلى سەردار دا بار.

25 ناۋرىزدا ماجىلىستەگى 125 ورىنعا 284 ۇمىتكەر تالاسادى. پرەزيدەنت ۇلى سەردار بەردىمۇحامەدوۆ دەموكراتيالىق پارتياسى اتىنان سايلاۋعا تۇسەدى. ول احال وبلىسى "دۋشاك" سايلاۋ وكرۋگىنان ۇمىتكەر رەتىندە تىركەلگەن. سەرداردىڭ ساياسي قارسىلاسى كاكا قالاسىنىڭ تۇرعىنى، №10 مەكتەپ ديرەكتورىنىڭ ورىنباسارى وگۋلدجەرەن گۋردوۆا، دەپ حابارلادى مەملەكەتتىك اقپارات قۇرالدارى.

قازىرگى تاڭدا 36 جاستاعى سەردار بەردىمۇحامەدوۆ بەسىنشى شاقىرىلىمداعى ءماجىلىستىڭ زاڭنامالار جونىندەگى كوميتەتىن باسقارادى. رەسمي باسىلىمدار سوڭعى ۋاقىتتا مەملەكەت باسشىسىنىڭ ۇلىن "حالىقتىڭ ۇلى" دەپ اتاپ ءجۇر. مەرزىمدى باسىلىمداردا ونىڭ ەلدىڭ دامۋىنا، دەنە شىنىقتىرۋ جانە سپورتقا قوسقان ۇلەسى ءجيى دارىپتەلەدى.

سوڭعى جىلدارى سەردار بەردىمۇحامەدوۆتىڭ قوعامدىق-ساياسي ءرولى ەلەۋلى تۇردە ارتقان.

Abai.kz