مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا كسرو حالىق ءارتيسى، كسرو مەملەكەتتىك سىيلىعىنىڭ لاۋرەاتى قاليبەك قۋانىشباەۆتىڭ 125 جىلدىعىنا ارنالعان بىرنەشە ءىس-شارا ءوتتى.

ساحنا ابىزىنىڭ باسىنا بارىپ، قۇران باعىشتالدى. دوڭگەلەك ۇستەل ۇيىمداستىرىلدى. اكەم-تەاتر رەپەرتۋارىنداعى مۇحتار اۋەزوۆتىڭ "اباي" تراگەدياسى ساحنالاندى. ەندى سول جايلى رەت-رەتىمەن باياندايمىز.

دوڭگەلەك ۇستەل بارىسىندا حالىق ءارتىسى ءاسانالى ءاشىموۆ پەن مەملەكەتتىك سىيلىقتىڭ لاۋرەاتى ءسابيت ورازباەۆ العاش بولىپ ءسوز الدى.

ءارى قاراي اكەم-تەاتردىڭ ديرەكتورى اسحات ماەميروۆ مودەراتورلىق جاساپ وتىردى. بۇل شاراعا استاناداعى ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ديرەكتورى ايبولات سەكسەمباەۆ باستاعان، اكتەرلەرى تىلەكتەس مەيراموۆ، نۇركەن وتەۋىلوۆتەر قوشتاعان اكتەرلىك قۇرام ارنايى كەلىپ، قارا شاڭىراق باستاعان ەستافەتانى قابىلداپ الدى.

ءاسانالى ءاشىموۆ ءوز سوزىندە: «قالەكەڭدى ءپىر تۇتتىق، مۇحتار اۋەزوۆتىڭ ءوزى قالەكەڭگە باس ءيدى. ورىستا  گوركي مەن ءشالياپيننىڭ دوستىعى قانداي بولسا، قازاقتا مۇحتار اۋەزوۆ پەن قالەكەڭنىڭ دوستىعى سونداي بولدى. قالەكەڭ حات تانىمادى بىراق، مىناۋ تابيعات تۋدىرعان دارىن. سونى اللا تاعالا جەتەكتەپ وسى ساحناعا الىپ كەلدى. قالەكەي سياقتى تابيعاتتان دارىندى جانداردى وقىتىپ قاي سالاعا سالىپ جىبەرسەڭ دە اكادەميك شىعار ەدى... » - دەدى.

ال شارا بارىسىندا استانا، سەمەي، اتىرىراۋ سەكىلدى قالالاردان ارنايى كەلگەن قوناقتار مەن الماتى كورەرمەندەرىنىڭ نازارىنا ارنايى كورمە ۇيىمداستىرىپ، قاليبەك قۋانىشباەۆتىڭ قۇندى مۇرالارىن، سۋرەتتەرىن، رولدەر دە كيگەن كيىمى مەن ەستەلىكتەرى تانىستىرىلدى.

تەاتر مۇراجايىنىڭ جەتەكشىسى نارگيز تامابەكقىزى: «قالەكەڭ - ءىرى تۇلعا. ءاربىر ويناعان ءرولىنىڭ ءوزى ديسەرتاتسيالىق جۇمىس. ءبىز ءبىرىنشى بولىپ 125 جىلدىعىن ۇيىمداستىرۋدامىز جانە دە بۇل يگى باستاما ءارى قاراي وزگە وبلىستاردا جالعاسىن تابادى. ءوزىنىڭ تۋعان جەرى قارقارالىداعى مۋزەيىندە بار جادىگەرلەردىڭ باسىن قوسىپ، ۇلكەن ءبىر كورمە ۇيىمداستىرۋ دا جوسپارلانىپ وتىر»، - دەدى.

قازاق كاسىبي ساحنا ونەرىنىڭ ابىزى، ءجۇز ەلۋگە جۋىق رولدە ويناپ، وشپەس ءىزىن، ۇمىتىلماس ونەگەسىن قالدىردى. ساحنا ونەرىنىڭ قاليبەك قۋانىشباەۆ شىققان ەڭ بيىك شىڭى - مۇحتار اۋەزوۆ پەن لەونيد سوبولەۆتىڭ پەساسىنداعى قازاقتىڭ كەمەڭگەر اقىنى اباي ءرولى بولدى. ونى قاللەكيدىڭ كوزىن كورگەن ابىز اسانالىلەر ايتتى. ايتپاقشى، قاليبەك قۋانىشباەۆتىڭ تەاترداعى پرەمەراسى «اباي» بولعان، ابايدى سومداعان.

وسى جولى «اباي» قايتا ساحنالاندى. قويىلىمعا رەجيسسەرلىك ەتكەن – ەسمۇحان وباەۆ. ال ابايدىڭ ءرولىن – اكەم-تەاتردىڭ ەكس-ديرەكتورى، ەندىگى قاتارداعى اكتەر – ەرلان ءبىلال سومدادى.

فوتوبايان:

كوگەرشىن تىلەگەن

Abai.kz