دوستارىم، مۇنداي ماسەلەدە، كەسىپ-ءپىشتى، ءار ءتۇرلى الىپ قاشپا اڭگىمە جۇرمەيدى. ول زەرتەلىپ، جان-جاقتى زەردەلەنىپ، تەكسەرۋدەن ءوتۋ كەرەك.

كەزىندە، 1998 جىلى "زاڭ گازەتىندە" قىزمەت ەتىپ جۇرگەندە، قازىرگى قالىڭ كوپشىلىكتىڭ اڭگىمەسىنە ارقاۋ بولىپ جاتقان جاعدايداي ماسەلەنى جۋرناليستىك ساراپتاما جاساپ، زەرتتەپ-زەردەلەپ ماقالا جازعانمىن. سوندا، اقشا تابۋ ماقساتىندا ۇيىمداستىرىلعان وقيعادان ەكى جاس جازىقسىز جاپا شەككەن. بۇل وتە كۇردەلى جاعداي. ەشكىم جازىقسىز جاپا شەكپەۋى كەرەك.

اسىرەسە، تەلەارنالار مەن مەرزىمدى باسىلىمداعى جۋرناليست ارىپتەستەرىم وتە ساق بولىڭدار. سوندا، جازعان ماقالامدا، و ماسەلەنى اسىعىس جازعان كەيبىر تەلەارنا مەن بەلگىلى گازەت ءتىلشىسىنىڭ اتىن اتاپ، ءتۇسىن تۇستەپ ، ولاردىڭ اسىعىس حابار جۇرگىزىپ-جازعانىن العا تارتقانمىن.

سوندىقتان، سوت ۇكىمى نەمەسە شەشىمىنسىز ارتىق ەشتەڭە جازباڭدار. اقپارات بەرىلىپ جاتىر. بولدى. قالعانى ارنايى سول ماسەلەگە ارالاسىپ جاتقان جاندار مەن ۇيىمدار، ورگاندار ەنشىسىندە. ار -وجدانىندا.

امانحان ءالىمۇلى

Facebook-تەگى پاراقشاسىنان