ء"بىر جۇرەكتىڭ باقىتىن ۇعۋ ءۇشىن، مىڭ جۇرەكتىڭ قايعىسىن تىڭداۋ كەرەك" دەگەن ولەڭ جولدارى جايدان-جاي ايتىلماعان. قوعامداعى ادامدار اينالاسىنا نەمقۇرايلى قاراۋدى قويعاندا عانا رۋحاني جاڭعىرىپ، دامىعان ەلدەرمەن يىق تىرەستىرۋگە بولادى.

ەگەر، مىنا ساراعاشتاعى بالانىڭ وقيعاسى بۇرمالانسا (زورلانباعان بولسا جاقسى عوي ارينە. بىراق، زورلانسا دا زورلانباعان دەۋ ءبىزدىڭ ەلدە تۇك ەمەس) مەنىڭ بۇل بيلىككە دەگەن، بۇل جۇيەگە دەگەن ازداعان قۇرمەتىم جوعالارى ھاق! بۇل وي مەنىڭ باسىمدا عانا ەمەس، كوپشىلىك وسىلاي ويلايتىن بولار...

مەن ەشقاشان زورلىق-زومبىلىق جاساۋشىلاردى قولداعان ەمەسپىن. وسى مىنەزىم ماعان كوپ كەدەرگى كەلتىردى. شەكارادا وفيتسەرلەردىڭ باسسىزدىعىنا قارسى شىعامىن دەپ 3 ايعا قامالعان كەزىم دە بولعان. جۇرت اسكەردەن شاشىن ارتىنا قايىرىپ قايتقان كەزدە مەن تاقىرباس بولىپ قايتقانمىن. مەنىڭ ەڭ قورقاتىن دۇنيەم - ار سوتى... اكەمىزگە، بالامىزعا وتىرىك ايتا سالۋ وڭاي شىعار... بىراق، ءوزىڭدى الداي الاسىڭ با؟

ايسۇلتان جاقىپوۆ

Facebook-تەگى پاراقشاسىنان