2015-2016 جىلدارى رەسەيدە 73 455 قازاقستاندىق ستۋدەنت ءبىلىم العان. ياعني رەسەيدە ءبىلىم الۋشى شەتەل ستۋدەنتتەرى اراسىندا قازاقستاندىقتار ءبىرىنشى ورىندى يەمدەنگەن. 2016 جىلى قىتايعا 11764 قازاقستاندىق ستۋدەنت ءبىلىم الۋعا اتتانىپتى. ياعني ون جىل ىشىندە 14 ەسەگە ارتقان.

سويتە تۇرا ءبىز ۇلتتىق قاۋىپسىزدىك پەن قورعانىس جايلى كۇنى-ءتۇنى ايتامىز. شەتەلگە بارىپ، اسىرەسە قىتاي مەن رەسەيگە (ەجەلگى ءھام اتا جاۋ) اتتانعان ستۋدەنتتىڭ تەڭ جارتىسى سول ەلدىڭ جىرتىسىن جىرتاتىن جۇرەكپەن كەلەرى انىق. سول سەبەپتى دە بيىل ەلباسىمىز گرانت سانىن 20 مىڭعا ارتتىرماق. بارلىعى دا ۇلت ەرتەڭى مەن قاۋىپسىزدىگى ءۇشىن.

"شەتەلدىڭ ءبىلىمى جاقسى، ستيپەندياسى كوپ، وقۋعا ءتۇسۋ وڭاي" دەگەن جاتتاندى جاۋاپتى ايتقانشا، ەڭ الدىمەن "بۇل نەتكەن باتپان قۇيرىق، ايدالادا جاتقان قۇيرىق" دەپ ويلانىپ كورىڭىزشى.

ميلليارد قىتاي وزىنە گرانت بولمەي، قازاققا بۇيرەگى بۇرا قالۋى تەگىن ەمەس.

ءجۇز ميلليون ورىستىكى دە ساياسات.

ويلانۋ كەرەك.

شەتەلدە وقىعان جاقسى عوي. ىڭعايى كەلسە ەۋروپا نەمەسە وزىمىزدە. بىراق قىتاي مەن رەسەيدەن قاۋىپ كوپ. بۇنى جازعان سەبەبىم "مايچاينا" تاعى دا گرانت بار دەپ حات جىبەرىپتى.

جاز جاقىندادى، ەندى ونداي حات كوبەيە بەرمەك.

اسحات قاسەنعالي

Abai.kz