وتكەن ايدا سينو-2 ميليتسيا قىزمەتكەرلەرى ۇستاعاننان كەيىن ولگەن نازاروۆتىڭ ءىسىن دۋشانبە قالالىق پروكۋراتۋراسى الدىن الا تەرگەي باستادى. دەرەككوزدىڭ 2 ساۋىردە حابارلاۋىنشا، تەرگەۋ قالالىق پروكۋروردىڭ جەكە باقىلاۋىنا الىنعان.

"نازاروۆ ولىمىنە قاتىستى قىلمىستىق ءىس ءالى قوزعالعان جوق. قازىر تەرگەۋشىلەر ميليتسيا قىزمەتكەرلەرىن، دارىگەرلەردى جانە مارقۇمنىڭ تۋىستارىن تەرگەپ جاتىر. قىلمىستىق ءىستى قوزعاۋ-قوزعاماۋ تۋرالى شەشىم الدىن الا تەكسەرۋدەن كەيىن قابىلدانادى", - دەدى دەرەككوز.

اۆتوسەرۆيس مەحانيگى ابدۋراسۋل نازاروۆتى 28 ناۋرىزدا دۋشانبە قالاسى سينو-2 ميليتسيا ءبولىمىنىڭ ەكى قىزمەتكەرى ۇستاعان. كەيىن دەنەسىندە ازاپتاۋ ىزدەرى قالعان نازاروۆتىڭ دەنەسىن ۇلتتىق مەديتسينالىق ورتالىقتىڭ تراۆماتولوگيا ءبولىمىنىڭ دارىگەرلەرى تۋىستارىنا بەرگەن. مەديتسينا مەكەمەسىنىڭ قابىلداۋ بولىمىندەگىلەر بەرگەن مالىمەت بويىنشا، ءولىم اۋزىنداعى نازاروۆتى اۋرۋحاناعا سينو-2 بولىمىنەن 28 ناۋرىزدا كەشكە اكەلگەن.

تەرگەۋ ورگانىنداعى دەرەككوزدىڭ ايتۋىنشا، نازاروۆتى ونىڭ ءبىر تۋىسىنان بىرنەشە گرامم اناشا تاپقاننان كەيىن ۇستاعان. "تۋىسى اناشا ابدۋراسۋلدىكى دەپ ايتقان. ميليتسيا قىزمەتكەرلەرى نازاروۆتى سينو-2 بولىمىنە تەرگەۋگە الىپ كەتكەن. بەتتەستىرۋ كەزىندە نازاروۆتىڭ تۋىسى تەرگەۋ كەزىندە ايتقاندارىن قايتالاعان. ودان سوڭ نازاروۆتىڭ ەسىرتكىدەن دەنەسى سىنىپ، جۇرەگى ۇستاپ قالدى", - دەدى دەرەككوز.

بىراق مارقۇمنىڭ جەسىرى سادبارگ بوبوحونوۆا بۇنى ءۇزىلدى-كەسىلدى جوققا شىعارىپ وتىر. ول كۇيەۋىنىڭ ەسىرتكىدەن تازا، دەنى ساۋ بولعانىن ايتتى. نازاروۆتىڭ تۋىستارى كىسى ءولىمىن ءادىل تەرگەپ، قىلمىستىق ءىستى "ازاپتاۋ" فاكتىسى بويىنشا قوزعاۋدى تالاپ ەتتى.

Abai.kz