Ratel.kz سايتىنىڭ باس رەداكتورى مارات ءاسىپوۆ، باس رەداكتوردىڭ ورىنباسارى ساپا مەكەباەۆ جانە جۋرناليست اننا كالاشنيكوۆا دۇيسەنبى كۇنى كەشكە ىشكى ىستەر دەپارتامەنتىندەگى تەرگەۋدەن شىقتى، دەپ حابارلادى Ratel.kz ءجۋرناليسى ۆاديم بورەيكو Facebook'تەگى پاراقشاسى ارقىلى. ونىڭ الدىندا Forbes Kazakhstan جۋرنالى باس رەداكتورىنىڭ ورىنباسارى الەكساندر ۆوروتيلوۆ بوساتىلعان.

جۋرناليستەردى رەداكتسياداعى تىنتۋدەن سوڭ ۇستاعان ەدى. الماتى پوليتسياسى بۇل ارەكەتىن ەكى اقپارات قۇرالى "ادەيى جالعان مالىمەت تاراتادى" دەلىنگەن "ازامات ك" ارىزىمەن بايلانىستىردى. "ازامات ك" - بۇرىنعى مەملەكەتتىك كىرىستەر ءمينيسترى، كاسىپكەر زەينوللا كاكىمجانوۆ، دەيدى باق قىزمەتكەرلەرى. كاكىمجانوۆ وتكەن جىلى اتالعان باسىلىمدارمەن سوتتاسىپ، ولاردان 50 ملن تەڭگە ءوندىرۋ شاعىمىن جەڭىپ شىققان. كاكىمجانوۆتىڭ جەمقورلىق سحەماسىن اشكەرەلەمەك بولعان جۋرناليستەر سوتتىڭ بۇل شەشىمىمەن كەلىسپەدى.

پوليتسيا Forbes Kazakhstan رەداكتسياسىن تىنتىگەن سوڭ، ۆوروتيلوۆتىڭ جۇمىس كومپيۋتەرىن الىپ كەتتى. وتكەن اپتادا بۇعاتتالعان Ratel.kz سايتىنىڭ رەداكتسياسىنان دا كومپيۋتەرلەر مەن قۇجاتتار الىنعان.

كاكىمجانوۆ Facebook الەۋمەتتىك جەلىسىندەگى پاراقشاسىندا وزىنە قارسى ماقالالاردى "تاپسىرىسپەن جازىلعان" دەپ اتادى.

Abai.kz