وسىعان دەيىن توقتاپ قالعان رەيستەردىڭ ءبارى قايتا ۇشاتىن بولادى. بۇل جونىندە ەكىجاقتى كەزدەسۋدەن كەيىن تاجىكستاننىڭ رەسەيدەگى ەلشىسى يمومۋددين ساتتوروۆ مالىمدەدى.
ونىڭ سوزىنشە، تاراپتار ەڭ باستى ماسەلە بويىنشا ورتاق شەشىمگە كەلگەن. ال قالعان پروبلەمالار ءالى شەشىلىپ جاتىر.
«ەڭ باستىسى ءبىز جولاۋشىلارعا بۇدان بىلاي ءبارى وزدەرىنىڭ باعىتتارى بويىنشا ۇشا الاتىنىن جەتكىزگىم كەلەدى. ءبىز وسىعان دەيىن بەكىتكەن 2017-2018 جىلدارعا ارنالعان كەلىسىم بويىنشا ورتاق شەشىمگە كەلدىك. ءارى قاراي دا وسى جوبا بويىنشا جۇمىس ىستەيمىز»، - دەپ اتاپ ءوتتى يمومۋددين ساتتوروۆ.
تاجىكستان ەلشىسى رەسەيدىڭ باسقا قالالارىنان جاڭا رەيستەر اشۋعا مۇمكىندىك بارىن دا ايتتى. رەسەي جانە تاجىك ۇشاقتارى ءبىر-بىرىنە كەدەرگى كەلتىرمەستەن ۇشاتىن بولادى دەدى.
ينتەرفاكس اگەنتتىگى رەسەيدىڭ كولىك مينيسترلىگىنە سىلتەمە جاساپ، جازعى كەستەگە تاعى جاڭادان ءتورت باعىت قوسىلاتىنىن جاريالادى. ولار پەرم - دۋشانبە، جۋكوۆسكي - كۋلياب، چەليابينسك - حۋدجاند جانە كراسنودار - حۋدجاند باعىتى بويىنشا ۇشاتىن رەيستەر.
Abai.kz
