سايت باس رەداكتورى مارات ءاسىپوۆ "Ratel.kz-ءتىڭ فب-داعى پاراقشاسىن جابۋعا ءماجبۇرمىز" دەپ جازدى.
سونىمەن قاتار، 4 ساۋىردە "كورىنەۋ جالعان اقپارات تاراتۋ" ىسىندە قورعانۋعا قۇقىعى بار كۋاگەر مارتەبەسى بار مارات ءاسىپوۆتىڭ كۇدىكتى اتانعانى بەلگىلى بولعان. ۆاديم بورەيكو مارات ءاسىپوۆ سەگىز ساعاتقا سوزىلعان تەرگەۋدەن شىققان سوڭ سايت قىزمەتكەرلەرى ساپا مەكەباەۆ پەن اننا كالاشنيكوۆانىڭ دا كۇدىكتى دەپ تانىلۋى مۇمكىن دەپ بولجاپ وتىرعانىن جازادى. Ratel.kz سايتى مەنت Forbes Kazakhstan جۋرنالى رەداكتسيالارىن ءتىنتۋ كەزىندە ۇستالىپ، كەيىن بوساتىلعان Forbes.kz ءجۋرناليسى الەكساندر ۆوروتيلوۆتىڭ مارتەبەسى ازىرگە بەلگىسىز.
اتالعان باق رەداكتسيالارىندا 2 ءساۋىر كۇنى پوليتسيا "كورىنەۋ جالعان اقپارات تاراتۋ" ىسىنە بايلانىستى ءتىنتۋ جۇرگىزگەن. بۇل ءىس بۇرىنعى قارجى ءمينيسترى، بيزنەسمەن زەينوللا كاكىمجانوۆتىڭ ارىزىنان كەيىن قوزعالعان. كاكىمجانوۆ Forbes.kz جانە Ratel.kz سايتتارىندا سوڭعى جىلداردا ءوزىنىڭ قىزمەتىنە بايلانىستى جاريالانعان بىرنەشە ماقالانى "قارا پيار" جانە "جالعان" دەپ اتايدى. ماقالادا كاكىمجانوۆتىڭ "سىبايلاس جەمقورلىققا قاتىسى بارى" ايتىلادى.
كاكىمجانوۆ وتكەن جىلى اتالعان باسىلىمدارمەن سوتتاسىپ، ولاردان 50 ميلليون تەڭگە ءوندىرۋ تۋرالى شاعىمىن سوت قاناعاتتاندىرعان. كاكىمجانوۆتىڭ "سىبايلاس جەمقورلىققا قاتىسى بارىن" اشكەرەلەمەك بولعان جۋرناليستەر سوتتىڭ بۇل شەشىمىمەن كەلىسپەدى.
Abai.kz
