قر پارلامەنتىنىڭ ءماجىلىس دەپۋتاتتارىنىڭ ايماقتارعا ساپارى اياسىندا ازات پەرۋاشەۆ الماتى تەحنولوگيالىق ۋنيۆەرسيتەتىنىڭ (اتۋ) وقىتۋشىلارى جانە ستۋدەنتتەرىمەن كەزدەستى. قالالىق پارتيا اكتيۆىنىڭ مۇشەلەرى دە حالىق قالاۋلىسىمەن بىرگە بولدى. ءىس-شاراعا سونداي-اق، ءبىلىم ورداسىنىڭ قامقورشىلىق كەڭەسىنىڭ توراعاسى رۋديك مناتساكانيان، جەڭىل ونەركاسىپ كاسىپورىندارى قاۋىمداستىعىنىڭ توراعاسى ليۋبوۆ حۋدوۆا دا قاتىستى.

اتالعان ۋنيۆەرسيتەت رەكتورى تالعات قۇلجانوۆ ارنايى ىسكەرلىك ساپارمەن كەلگەن قوناقتاردى جوعارى وقۋ ورنىنىڭ تىنىس-تىرشىلىگىمەن، قىزمەت بارىسىمەن تانىستىرىپ، ۋنيۆەرسيتەت عالىمدارىنىڭ عىلىمي زەرتتەمەلەرىن دە تىلگە تيەك ەتتى. سونىمەن قاتار، دەپۋتاتقا وقۋ عيماراتتارى مەن زەرتحانالاردى كورسەتتى.

الماتى تەحنولوگيالىق ۋنيۆەرسيتەتى (اتۋ) قازاقستان مەن ورتالىق ازياداعى جەتەكشى جوعارى وقۋ ورىندارىنىڭ ءبىرى بولىپ تابىلادى. الپىس جىلدان بەرى ازىق-تۇلىك، وڭدەۋ، توقىما جانە جەڭىل ونەركاسىپ، قىزمەت كورسەتۋ جانە قوناقجايلىلىق ءۇشىن جوعارى بىلىكتى ماماندار مەن عىلىمي كادرلاردى دايرلاۋدى جۇزەگە اسىرىپ كەلەدى.

ۋنيۆەرسيتەتتىڭ اكت زالىندا پروفەسسورلىق-وقىتۋشىلىق قۇرامىمەن جانە ستۋدەنتتەرمەن كەزدەسۋ ءوتتى. ازات پەرۋاشەۆ مەملەكەت باسشىسى ن.ءا.نازارباەۆتىڭ بەس الەۋمەتتىك باستاماسىنىڭ باستى ءمانىن ءتۇسىندىردى. سونىمەن بىرگە قر پارلامەنتى ماجىلىسىندەگى «اق جول» پارلامەنتتىك فراكتسياسىنىڭ قىزمەتى تۋرالى اڭگىمەلەدى. كەزدەسۋ بارىسىندا ءبىلىم بەرۋ جۇيەسىنىڭ وزەكتى ماسەلەلەرى، قوسارلى جۇيەنى ەنگىزۋ، تۇلەكتەردى جۇمىسپەن قامتۋ پروبلەمالارى جانە تاماق ونەركاسىبىندەگى تۇيتكىلدى ماسەلەلەر تالقىلاندى.

سونداي-اق، ستۋدەنتتەر تۇرعىن ءۇي ماسەلەسى، ءبىلىم گرانتتارىنىڭ ءبولىنۋى، سىبايلاس جەمقورلىققا قارسى كۇرەس، كەيبىر تەلەارنالاردىڭ مورالدىق اسپەكتىلەرى جانە الەۋمەتتىك جەلىلەردەگى بلوگەرلەردىڭ جازعانى مەن سويلەگەن سوزدەرى تۋرالى كۇردەلى سۇراقتار قويدى. قويىلعان ءاربىر ساۋالعا تىڭعىلىقتى، پايىمدى ءارى شىن مانىندە قالاي سولاي جاۋاپتار بەرىلدى.

ازىق-تۇلىك ونىمدەرى فاكۋلتەتىنىڭ ۋنيۆەرسيتەتتىڭ عىلىمي-تەحنولوگيالىق ورتالىقتارىا بارىپ، ءوز كوزىمەن كورۋ – باعدارلامانىڭ باستى ماقساتتارىنىڭ ءبىرى بولدى.

عىلىم مەن ءىس-جۇزىندەگى تاجىريبە اراسىنداعى بايلانىستى نىعايتۋ، قولدانىستاعى عىلىمي ازىرلەمەلەردى وندىرىسكە ەنگىزۋدىڭ قاجەت ەكەنى تۋرالى ايتىلدى.

Abai.kz