تاياۋدا دۋشانبەدە سادريددين ءاينيدىڭ شىعارمالار جيناعى قايتا باسىلىپ شىقتى. تاجىكستان جازۋشىلار وداعىندا ورتالىق ازيا ەلدەرىنىڭ زەرتتەۋشىلەرىنىڭ قاتىسۋىمەن جازۋشىعا ارنالعان عىلىمي كونفەرەنتسيا ءوتتى.

نەگىزگى مەرەكەلىك شارا 14 ساۋىردە جوسپارلانىپ وتىر. سول كۇنى سادريددين ايني تۇرعان ءۇي، بۇگىندە مۇراجاي قايتا جوندەلىپ، حالىققا ەسىگىن اشادى.

جازۋشىنىڭ مەرەي تويى الدىندا سامارقانداعى مۇراجاي دا قايتا جوندەۋدەن وتكىزىلگەن. وزبەكستان پرەزيدەنتى شاۆكات ميرزياەۆتىڭ تاپسىرۋىمەن جوندەۋ جۇمىستارىنا 300 ملن سۋم (37 مىڭ دوللار) بولىنگەن. سادريددين ايني بۇحارادا تۋعان. بىراق دۋشانبەگە كوشەر الدىندا ۇزاق جىلدار بويى سامارقاندا تۇردى.

سادريددين ءاينيدىڭ تۋىندىلارىن ساقتاۋشى موحشاريف تاباروۆا ءۇش جىل بۇرىن جازۋشىنىڭ وزبەك جانە اراب تىلدەرىندە جازىلعان قولجازباسى تابىلعانىن، بۇگىندە عالىمدار ونى تاجىك تىلىنە اۋدارىپ جاتقانىن ايتادى.

Abai.kz