كەزدەسۋ بارىسىندا ەمومالي راحمون مەن جاۆاد زاريف ەكونوميكا سالاسىنداعى ىنتىماقتاستىق ماسەلەلەرىنەن بولەك، ساۋدا، ەنەرگەتيكا، كولىك، ءوندىرىس، اۋىل شارۋاشىلىعى، مادەنيەت پەن گۋمانيتارلىق بايلانىس ماسەلەلەرىن تالقىلاعان.

سونىمەن بىرگە قاۋىپسىزدىك سالاسىنا دا توقتالعان. ەمومالي راحمون بۇل ماسەلەدە تاجىكستان «ەكىجۇزدىلىك ستاندارتتان» ادا دەپ، بۇل باعىتتاعى جۇمىس تازا بولۋ كەرەكتىگىن اتاپ وتكەن. سەبەبى، ونىڭ سوزىنشە، تەرروريزم، ەكسترەميزم مەن ءدىني راديكاليزممەن كۇرەس تاجىك ساياساتىنداعى ەڭ باستى ماسەلە.

ەمومالي راحمون دۇيسەنبى كۇنى اۋعانستان ءسىم باسشىسى سالوحيددين رابباني مەن ەىۇ باس حاتشىسى حاليل يبراحيم ارچامەن كەزدەستى.

ايماقتىق مەملەكەتارالىق ەكونوميكالىق ۇيىم 1985 جىلى قۇرىلعان. وعان ورتا ازيا جانە تاياۋ شىعىس ەلدەرى مۇشە.

Abai.kz