ارمەنيانىڭ باسقارۋشى رەسپۋبليكالىق پارتياسى مەن ارميان رەۆوليۋتسيالىق فەدەراتسياسى فراكتسياسى 16 ساۋىردە ءبىراۋىزدان ەلدىڭ پرەمەر-مينيسترلىگىنە سارگسياننىڭ كانديداتۋراسىن ماقۇلدادى. پارلامەنت بۇل ماسەلەگە قاتىستى 17 ساۋىردە داۋىس بەرۋ كەرەك.
سوڭعى ءتورت كۇننەن بەرى مىڭداعان دەمونسترانت سارگسيانعا قارسى كوشەگە شىقتى. ولار ەرەۆان ورتالىعىنداعى كوشەنى جاۋىپ تاستادى. نارازىلىق شاراسىن ۇيىمداستىرۋشى نيكولاي پاشينيان حالىقتى جاپپاي كوشەگە شىعۋعا شاقىرىپ جاتىر.
"ارمەنيادا ورەسكەل جاعداي بولىپ جاتىر: ءبىر ادام ءۇشىنشى رەت ەل ليدەرى بولعىسى كەلەدى. ءبىز بۇعان جول بەرمەۋىمىز ءتيىس", – دەدى Civil Contract وپپوزيتسيالىق توبىنىڭ باسشىسى پاشينيان.
"ارمەنيا ازاماتتارىنا ەركىندىك بەرەتىن كەز كەلدى. شاعىن ىڭعايسىزدىق ارقىلى ءبىز سىزدەردى سەرج سارگسيان تۋدىراتىن ۇلكەن ىڭعايسىزدىقتان قۇتقارعىمىز كەلەدى", – دەدى پاشينيان مەگافون ارقىلى.
Abai.kz
