وسى وقيعاعا بايلانىستى "قاساقانا كىسى ءولتىرۋ", ء"وزىن-ءوزى ولتىرۋگە دەيىن جەتكىزۋ" باپتارى بويىنشا قىلمىستىق ءىس قوزعالدى. "ناۆرۋز" ماحاللاسىنىڭ 27 جاستاعى تۇرعىنى س.ت. 15 ساۋىرگە قاراعان ءتۇنى وزىنە جانە ەكى بالاسى – 3 جاستاعى شاحرۋح پەن ءبىر جاستاعى ۋماردىڭ ۇستىنە بەنزين قۇيىپ، ورتەپ جىبەرگەن.
سۇرقانداريا وبلىستىق پروكۋراتۋراسى قىزمەتكەرىنىڭ ايتۋىنشا، قايعىلى وقيعادان بۇرىن ايەل مەن ونىڭ ازاماتتىق نەكەدەگى كۇيەۋى ۇرسىپ قالعان.
– ۇرىس قىزعانىشتان بولعانى تەرگەۋ كەزىندە انىقتالدى. سونىڭ سالدارىنان ايەل ەكى ليترلىك بەنزين كانىستىرىن الىپ، ءوزىن جانە بالالارىن ورتەگەن. ميليتسيا مەن ءورت ءسوندىرۋ قىزمەتىنە ءورت تۋرالى كورشىلەرى حابارلاعان، – دەدى پروكۋراتۋرا قىزمەتكەرى.
– ەكى بالا كەلەسى كۇنى اۋرۋحانادا قايتىس بولدى، ويتكەنى ولاردىڭ دەنەلەرى تۇگەل كۇيىپ قالعان. ايەلدىڭ دەنەسىنىڭ سەكسەن پايىزىن كۇيىك شالعان، قازىر ول اۋرۋحانادا جاتىر. ازاماتتىق نەكەدەگى كۇيەۋىنىڭ دەنەسىنىڭ ون بەس پايىزى كۇيگەن، ول دا اۋرۋحانادا. تەرگەۋشىلەر قايعىلى وقيعا سەبەپتەرىن انىقتاپ جاتىر، – دەدى وبلىستىق پروكۋراتۋرا قىزمەتكەرى.
"ناۆرۋز" تۇرعىندارىنىڭ ءبىرىنىڭ ايتۋىنشا، ازاماتتىق نەكەدەگى كۇيەۋى باسقا ءبىر قىزعا ۇيلەنگەلى جاتىر دەگەندى ەستىگەن ايەل وسىنداي قادامعا بارعان.
اباي-اقپارات
