كۇي – حالقىمىزدىڭ ۇلانعايىر مۋزىكالىق قازىناسىنىڭ ەڭ ءبىر مول سالاسى، قۇرىلىمى، مازمۇنى، باسقا دا كوپ سيپاتتارى جونىنەن كەمەل دامىپ، بيىك ورەگە جەتكەن جانرلارىنىڭ ءبىرى.

23 ءساۋىر كۇنى الماتى قالالىق مادەنيەت جانە قۇجاتتار باسقارماسىنىڭ ۇيىمداستىرۋىمەن «الاتاۋ» ءداستۇرلى ونەر تەاترىندا «ماڭگىلىك سارىن» اتتى كۇي كەشى ءوتتى. ەرەكشە سەرپىن، ءسان-سالتاناتپەن وتكەن كۇي كەشىنە بەلگىلى داۋلەسكەر كۇيشىلەر سەرجان شاكىراتوۆ، ابدۋلحاميت رايىمبەرگەنوۆ، ادىلبەك اتىعاەۆ، ايگۇل ۇلكەنباەۆا، جانعالي جۇزباەۆ، مۇقاش تاڭعىتۇلى، تالعات مۇقىش، مۇرات ابۋعازى، نۇركەن ءاشىروۆ، باتىرجان مىقتىباەۆ، ەربولات مۇستافاەۆ، ساۋلە قانيەۆا، اردابي ءماۋلىتۇلى جانە «سازگەن سازى» ەتنوگرافيالىق – فولكلورلىق ءانسامبلى قاتىستى. كۇي كەشىندە ەل اراسىندا ساقتالىپ، بۇگىنگى كۇنگە جەتكەن بارلىق كۇي مەكتەپتەرىنە ءتان شىعارمالار وينالدى. سونداي-اق بۇگىنگى تاڭدا ۇمىت بولىپ، قولدانىستان شىعا باستاعان كونەرگەن ساز اسپاپتاردا دا حالىق كۇيلەرى ورىندالدى.

كۇيدى قاستەرلەيتىن كورەرمەن ءۇشىن اقىسىز، تەگىن وتكەن كۇي كەشى - جاقىندا عانا بارشا الەۋمەت بولىپ كەڭىنەن قارسى العان، قالامىزدا 1 اي بويى بۇرىن-سوڭدى بولماعان كەڭ كولەمدە اتالعان اتاۋلى ءاز مەرەكەمىز ناۋرىزعا ارنالعان ءىس-شارالاردى قورىتىندىلادى.

Abai.kz