ءبىرىنشى قاتە - ايتەكە بي 1700 جىلى، 56 جاسىندا قايتىس بولعاندا، تولە بي 37 جاستا، ال قازىبەك بي 33 جاستاعى جىگىتتەر ەدى. بىراق ءبىز ولاردى ۇشەۋلەرىن بىرگە سۋرەتتەگەندە، قاريالار سياقتى اپپاق ساقالدارىمەن سۋرەتتەيمىز. ياعني بۇل سۋرەتتەردىڭ ءوزى نەگىزىنەن قاتە سۋرەت بولىپ تۇر عوي.

ەكىنشى قاتە - "قازاقتىڭ ءۇش ءبيىنىڭ قايسسى ابىلاي حاندى كورمەگەن؟" دەگەن سۇراقپەن دالاعا شىعىپ، حالىقتان سۇراساڭ، تالاي ادام قارابەت بولايىن دەپ تۇر. ءبىزدىڭ كوپتەگەن مۋلتفيلمدەر مەن ەرتەگىلەردەن باستاپ، كەڭسەلەردەگى پورترەتتەرگە دەيىن ابىلاي حان ءۇش ءبيدىڭ قاسىندا، ءۇش بيمەن اقىلداسىپ تۇرعان كەزى بەينەلەنەدى. ابىلاي حان 1711 جىلى دۇنيەگە كەلگەنىن، ايتەكە بي 1700 جىلى قايتىس بولعانىن كوپ ادام ەسكەرمەيدى ەكەن.