"ەلك" پارتياسىنىڭ پارلامەنتتە توعىز دەپۋتاتى بار، ال تاعى ءبىر "تسارۋكيان" وپپوزيتسيالىق پارتياسىنان 31 دەپۋتات بار.
پارلامەنتتە نەگىزىنەن ارمەنيانىڭ رەسپۋبليكاشىلدار پارتياسى وكىلدەرى كوپ ورىن يەلەنگەن. اتالعان پارتيا "داشناكتسۋتيۋن" پارتياسىمەن ءبىر كواليتسيادا بىرىككەن. بىراق 25 ساۋىردە باسقارۋشى كواليتسيا تاراپ كەتتى.
ارمەنيادا ساياسي داعدارىس كەزىندە، ەكى اپتادان بەرى ءوتىپ جاتقان نارازىلىق اكتسياسى پرەمەر-مينيستر سەرج سارگسياننىڭ وتستاۆكاعا كەتۋىمەن اياقتالعان. ول ارمەنيانى 10 جىل بويى باسقارىپ كەلدى.
25 ساۋىردە نيكول پاشينيان جاقتاستارى نارازىلىق اكتسياسىن قايتا جاڭارتتى. بۇل پاشينيان مەن بيلىك پارتياسىنىڭ كەلىسسوزى ءۇزىلىپ قالعاننان كەيىن باستالدى. پاشينيان دەمونسترانتتاردى ەرەۆاننىڭ رەسپۋبليكالىق الاڭىنا جينالىپ، "بارقىت حالىقتىق رەۆوليۋتسيا جەڭىسىن نىعايتۋعا" شاقىردى.
Abai.kz
